Kameramani i Fox News, Pierre Zakrzewski, u vra së bashku me një kolege ukrainase, Oleksandra Kuvshynova, teksa raportonin në periferi të Kievit mbi situatën në kryeqytetin ukrainas. Ata po udhëtonin në një makinë me gazetarin e stacionit të njohur televiziv, Benjamin Hall, kur drejt mjetit të tyre u hap zjarr. Hall, një korrespondent i Departamentit të Shtetit, është shtruar në spital, por ende nuk ka informacione mbi gjendjen e tij. Zakrzewski, 55 vjeç, shtetas irlandez por që jetonte në Londër, kishte punuar në Ukrainë që prej muajit shkurt. Shefja ekzekutive e Fox News Media, Suzanne Scott tha se Zakrzeëski kishte mbuluar "pothuajse çdo histori ndërkombëtare për këtë kanal televiziv duke përfshirë konfliktet në Irak, Siri e Afganistan, e madje kishte ndihmuar dhe në evakuimin këtë verë të afganëve që kishin punuar për këtë rrjet dhe familjeve të tyre. Për këtë gjë, Fox i kishte dhënë në muajin dhjetor cmimin “Hero i pashpallur”. “Ishte një njeri thellësisht i përkushtuar për të treguar të vërtetën; guximi, profesionalizmi dhe etika e tij e punës njiheshin mes gazetarëve në çdo media. Ishte jashtëzakonisht popullor - të gjithë në industrinë e medias e njihnin dhe e respektonin Pierre," tha Scott. Moderatori i Fox News, Bill Hemmer e përshkroi Zakrzeëski “si një legjendë” në punën e tij, ndërsa kolegu i vet John Roberts tha se ai ishte një “thesar i vërtetë” për rrjetin televiziv. Kuvshynova gjithashtu përshkruhet si një gazetare e re por mjaft e talentuar, e cila kishte bërë një punë të shkëlqyer në terren këto javët e fundit. Në vetëm tre javë pushtim, tre reporterë të huaj janë vrarë në Ukrainë: të djelën u qëllua për vdekje edhe amerikani Brent Renaud teksa raportonte jashtë Kievit. Shefja për te drejtat e njeriut në parlamentin ukrainas, Lyudmyla Denisova jep alarmin, e thotë se 35 gazetarë që kanë mbuluar konfliktin kanë rënë pre e dhunës së forcave ruse, përfshirë tre të huaj që humbën jetën, teksa theksoi nevojën që të ketë më shumë siguri për punonjësit e media. Nga sulmi mbi kullën televizive në Kiev vdiq gazetari ukrainas Evgeny Sakun dhe Viktor Dudar, një tjetër reporter vendas, u vra gjatë luftimeve në Mykolaiv.

Source: Geo Tv, Heavy.com, Independent.ie, Daily Mail


Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopChannelNews

свернуть