Ang panunungkulan ni dating Pangulong Ferdinand Marcos ay kinikilalang “Golden Age of Infrastructure Development” ng ating bansa. Sa loob ng panahong ito, nilunsad ang isang malawakang programa upang palaguin ang pampublikong imprastraktura na magpahanggang ngayon ay nananatiling tanyag at kapaki-pakinabang sa sambayanan.
Binigyang-tuon ang mga proyekto sa larangan ng transportasyon, komunikasyon, kalusugan, sining at kultura, na nagpasigla sa buhay ng mamamayan, at sa ekonomiya at pagkakakilanlan ng Pilipinas sa buong mundo.
Higit-doble ang inilaki ng road network ng bansa. Mula 55,554 kilometro noong 1965, ito ay umabot sa 129,186 kilometro noong 1980.
Isa sa mga pangunahing proyektong sinimulan at tinapos ay ang Maharlika Highway na nagdagdag ng 3,517 kilometrong kalsada. Ito ngayon ang pangunahing highway na nag-uugnay sa Luzon, Visayas at Mindanao.
Mas maraming bilang ng tulay ang naitayo, na nagtala ng karagdagang 11,472 meters.
Ang Circumferential Roads 1 to 10 ay ginawan ng plano at nasimulan upang mas mapaginhawa ang paglalakbay sa kamaynilaan.
Binuksan ang Light Rail Transit (LRT) 1, ang kauna-unahang light rail system sa buong Asya. Sa pamamagitan ng alternatibong paraan ng pagbiyahe, iniugnay nito ang hilaga (Monumento) at timog (Baclaran) ng Metro Manila. Halos 40 taon na ang nagdaan, ito pa rin ngayon ay nananatiling subok na maginhawa at maaasahan.
Mas pinarami ang bilang ng ating mga paliparan, mula 140 hanggang 199. Kasabay nito, pinarami rin ang mga daungan, mula 622 hanggang 849.
Sa larangan ng modernong komunikasyon, ang Pilipinas ay naging bahagi ng ASEAN Cable System kung saan 2,841 na kilometro ng submarine cable ang nilatag mula Ilocos Norte hanggang Singapore. Ang proyektong ito ay nagpabilis at nagpaganda sa kalidad ng komunikasyon ng bansa.
Ang pinakamahalaga sa lahat, ang mga imprastrakturang ito ay hindi lamang patuloy na naghahatid ng serbisyo sa mga mamamayan, kundi patuloy nating naipagmamalaki dahil sa taas ng kalidad at kagandahan ng mga ito. Marami sa mga ito ay obra maestra ng ilan sa ating mga pambansang alagad ng sining.
Long-term vision. High-quality. World-class.
#MacoyNationBuilding
SUBSCRIBE to BBM on YouTube for the latest videos ► [ Ссылка ]
Like on Facebook ► [ Ссылка ]
Follow on Twitter ► [ Ссылка ]
Follow on Instagram ► [ Ссылка ]
Visit website ► [ Ссылка ]
