Kode Kode Ekadashi Kijiye Re 4 pad || કોડે કોડે એકાદશી કીજીયે રે ૪ પદ | Swaminarayan Kirtanavali

પદ - ૧:
કોડે કોડે એકાદશી કીજીએ રે,
 એવું વ્રત જાવા નવ દીજીએ રે... ꠶ટેક
એ વ્રત કરે તે ધન્ય માનવી રે,
 તે તો નાહ્યો કોટિક વાર રે... કોડે꠶ ૧
જેણે વચન પ્રમાણે વ્રત આદર્યું રે,
 તેણે કારજ પોતાનું સર્વે કર્યું રે... કોડે꠶ ૨
એનો મહિમા મુનિવર ગાય છે રે,
 અવિનાશી મળ્યાનો ઉપાય છે રે... કોડે꠶ ૩
બ્રહ્માનંદ કહે એમાં હરિ રહ્યા વસી રે,
 કીધી ઉદ્ધવ પ્રમાણે એકાદશી રે... કોડે꠶ ૪

પદ - ૨

હરિજન હોય તે હરિને ભજે રે,
 વ્રત એકાદશી તે કેદી નવ તજે રે... ꠶ટેક
જાણે માત સમાન પર નારને રે,
 ગણે તુચ્છ સરીખો સંસારને રે... હરિ꠶ ૧
મદ્ય માંસ હરામ જેને નવ ખપે રે,
 જીભે રાત-દિવસ પ્રભુને જપે રે... હરિ꠶ ૨
માયા જીવ ઈશ્વરના જાણે મર્મને રે,
 રટે બ્રહ્મ થઈને પરબ્રહ્મને રે... હરિ꠶ ૩
બ્રહ્માનંદના વહાલાની છબી ઉર ધરે રે,
 મતવાલો થઈને જગમાં ફરે રે... હરિ꠶ ૪

પદ - ૩
ભલે આવી અનુપમ એકાદશી રે,
 મારે વહાલે મુજ સામું જોયું હસી રે... ꠶ટેક
આજ વાધી આનંદ કેરી વેલડી રે,
 થઈ રસિયા સંગાથે રંગ રેલડી રે... ભલે꠶ ૧
લટકાળા કુંવર ધર્મલાલની રે,
 ચિત્તડામાં ખૂંતી છે છબી ચાલની રે... ભલે꠶ ૨
રંગભીનો રમે (તે) રસ રંગમાં રે,
 અતિ આનંદ થયો છે મારા અંગમાં રે... ભલે꠶ ૩
પ્રીતિ જાણી રસીલો વચને પળ્યા રે,
 બ્રહ્માનંદનો વહાલો મુજને મળ્યા રે... ભલે꠶ ૪

પદ - ૪
ધન્ય ધન્ય એકાદશી આજની રે,
 રૂડી નીરખી છબી વ્રજરાજની રે... ꠶ટેક
ફૂલડાનાં છોગાં તે ચિત્તમાં ધર્યાં રે,
 તે જોઈને મારાં નેણાં ઠર્યાં રે... ધન્ય꠶ ૧
ભાળી કેસર તિલક રૂડું ભાલમાં રે,
 મારી લગની લાગી છે ધર્મલાલમાં રે... ધન્ય꠶ ૨
વાંકી ભૃકુટિમાં મન મારું ભમે રે,
 હવે બીજું દીઠું તે મને નવ ગમે રે... ધન્ય꠶ ૩
બ્રહ્માનંદ કહે રૂપાળી એની આંખડી રે,
 પ્યારી લાલ કમળ કેરી પાંખડી રે... ધન્ય꠶ ૪

#kirtanavali
#2023 #video #swaminarayan #status #swaminarayanmusic #chandanvagha #vadtal #gadhpur #laljimaharaj #status #surat #suratnews #harikrushnamaharaj #gopinath #narayan #narayanmunidev #amdavad #dholera #bhuj #katha #kirtan #swaminarayankirtan #sardharkatha #gharsabha #parivarsabha #satshrikatha #kundaldham #sarangpur #kashtbhanjandev #vlog #cooking #music #narnarayan #svg #dharmkulaasritkatha #dharmkul #new #news #mumbai #satsang #quiz #maharaj #krishna #bhajan #song #shorts #short #suratgurukul #rajkotgurukul #gurukul #satsangsabha #sahajanand

свернуть