Осы жолы Ақкетік қаласына жолға шықтым, сапар барысында Аташ ауылынан, қара жолмен он шақты километр жүріп бірнеше тарихи нысандарды түсіріп алдым, соның бірі «Жоғарғы маяк» 1863-жылдың 18-қазанында ашылған. Оның жарығы теңізде жүзген кемелерге 30-40 шақырымнан көрінеді екен.
Биіктігі 15 метрден асатын, 8 қырлы қылып салынған маяктың төбесінде жарық беретін әлектр шамдары орналасқан. Оның алғашқы шамдары 1865 жылы Франциядан әкелінген екен. 1870-жылы маяк көтерілісші адайлардың шабуылынан қирап, 1877-жылы тағы да Франциядан шам әкеліп орнатқан.
1929-жылы да маяк шабуылға тап болып, содан кейін басқа шам әкеліп орнатқан.
Осы маякты 16 жыл бойы Смағұл Бралиев басқарып тұрды.
Қазір маяк мемлекеттің қарауында, күрделі жөндеу жүргізіліп жатыр. Таяу болашақта ол туристік нысан ретінде есігін ашатын болады.
#маңғыстау #қазақстан #казахстан #маяк #ақкетік #фортшевченко #аташ
Ещё видео!