Nëse keni planifikuar të udhëtoni nga Shqipëria në drejtim të Kosovës, duhet të jeni të kujdesshëm në momentin që i afroheni Doganës së Morinës. Kaosi ka zënë vend vetëm në pjesën tonë dhe dogana kryesore me Kosovën, duket si mall pa zot pasi shpesh ndodh që gjatë kalimit në doganën e Morinit, krejt afër sheh lopë dhe ndonjë kafshë tjetër.
Siç shihet edhe nga pamjet, lopët e patrembura nga askush, sorollaten dhe hyjnë në Doganë. Me radhë ato kalojnë përmes sporteleve dhe hyjnë në kufi në kohën kur ka nisur edhe fluksi i vizitorëve nga Kosova për pushime në bregdetin shqiptar. Për policinë dhe doganieret në këtë pikë të kalimit kufitar, prania e lopëve duket gjithçka normale.
Kjo nuk është hera e parë, që lopët, hasen në doganën e Morinës por edhe në Rrugën e Kombit, duke paraqitur kështu rrezik për automjetet që kalojnë.
