ရေဖြူမြို့ စရဖရုံးကို ဖောက်ခွဲဖျက်ဆီးခဲ့သည်ဟု တနင်္သာရီ စစ်ဒေသခွဲ-ကွပ်ကဲရေးအဖွဲ့ထုတ်ပြန်
===============
တနင်္သာရီတိုင်း၊ ထားဝယ်ခရိုင်၊ ရေဖြူမြို့နယ်ရှိ စစ်ဘက်ရေးရာ လုံခြုံရေးတပ်ဖွဲ့ (စရဖ) ရုံးကို သွားရောက်ဖောက်ခွဲဖျက်ဆီးခဲ့ကြောင်း တနင်္သာရီ စစ်ဒေသခွဲ-ကွပ်ကဲရေးအဖွဲ့၏ ပြန်ကြားရေးအဖွဲ့ ထံက သိရသည်။
နန်းထိုက်အောင်စစ်ဆင်ရေးလှုပ်ရှားမှုဖြင့် ရေဖြူမြို့အရှေ့ဖက်ကမ်း၊ န၀ဒေးလမ်းရှိ စရဖ ရုံးကို ဇူလိုင်လ ၁၃ ရက်နေ့ ည ၁၀ နာရီခွဲအချိန်တွင် ပြည်သူ့ကာကွယ်ရေးပူးပေါင်း တပ်ဖွဲ့ဝင်များမှ တိုက်ခိုက်ခဲ့ခြင်းဖြစ်သည်။
ဖောက်ခွဲတိုက်ခိုက်မှုကြောင့် ရုံးအဆောက်အအုံတစ်လုံး ပျက်စီးခဲ့ကြောင်း တနင်္သာရီ စစ်ဒေသခွဲ-ကွပ်ကဲရေးအဖွဲ့၏ ပြန်ကြားရေးတာဝန်ခံကပြောသည်။
“ ကျွန်တော်တို့ တနင်္သာရီတိုင်းထဲမှာ နန်းထိုက်အောင်စစ်ဆင်းရေး လှုပ်ရှားမှုကို အခု ရက်ပိုင်းထဲမှာ ပုလောနဲ့ ထားဝယ်ဘက်တွေမှာ ဆက်တိုက် ပြုလုပ်ခဲ့တာ ဖြစ်တယ်”ဟု ၎င်းကဆက်လက်ပြောသည်။
ရေဖြူမြို့နယ် စရဖ ရုံးကို ဖောက်ခွဲဖျက်ဆီးနေစဉ် အခင်းဖြစ်ပွားသည့်နေရာသို့ ရောက်ရှိလာသော စစ်ကောင်စီတပ်သားများနှင့် ရဲတပ်ဖွဲ့ဝင်များပါဝင်သော စစ်ကား သုံးစီးကိုလည်း လမ်းပိုင်း တစ်နေရာတွင် ပဒေသာမိုင်းဖြင့် မိုင်းဆွဲ ပြုလုပ်ခဲ့ရာ ထိခိုက်သေဆုံးမှုများခဲ့ကြောင်းလည်း သိရသည်။
ယခုပြုလုပ်သည့် နန်းထိုက်အောင်စစ်ဆင်ရေးကို ပြည်သူ့ကာကွယ်ရေးပူပေါင်းတပ်များ ဖြစ်ကြသော DGRF ၊ T1 Zone၊TPLF၊ LLPDF၊ ဇင်ယော်တပ်စု၊ ဝေဟင်တပ်စု နှင့် (ချာတိတ်) ဒေသခံ ကာကွယ်ရေးအဖွဲ့တို့က ပူးပေါင်း ဆောင်ရွက်ခဲ့ခြင်းဟုဆိုသည်။
ထိုအပြင် ၎င်းစစ်ဆင်ရေးသည် နန်းထိုက်အောင် စစ်ဆင်ရေး၏ တစ်စိတ်တစ်ဒေသဖြစ်ပြီး ထပ်မံ၍ စစ်ဆင်ရေးများဖော်ဆောင်သွားရန်ရှိသောကြောင့် ပြည်သူများအနေဖြင့် စစ်ကောင်စီနှင့် ပတ်သက်သူများ၊ စစ်ကောင်စီ၏ ရုံး၊ အဆောက်အအုံများနှင့် ကင်းကင်းနေကြရန် ပန်ကြားလိုကြောင်း နန်းထိုက်အောင် စစ်ဆင်ရေးတာဝန်ရှိသူများကပြောထားသည်။
#နန်းထိုက်အောင်
#စစ်ဆင်ရေး
#ရေဖြူမြို့
#စရဖ
#တနင်္သာရီ------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်လီုက်ပါရစေ.လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. [ Ссылка ]
နောက်ဆုံးရ သတင်းနှင့် အခြားစိတ်၀င်စားစရာအစီအစဥ်တွေ ကြည့်ရှုနိုင်ဖို့ subscribe လုပ်ပြီး
All Notification ဖွင့်ထားဖို့ တိုက်တွန်းလိုက်ပါရစေ.
Free Download Mizzima TV App [ Ссылка ]
Follow us on other platforms :
Facebook ( Myanmar Language) [ Ссылка ]
Facebook (English language) [ Ссылка ]
Facebook (Mizzima+TV) [ Ссылка ]
Twitter [ Ссылка ]
Telegram [ Ссылка ]
Website :
[ Ссылка ]
[ Ссылка ]
[ Ссылка ]
...............................................
About Us :
Mizzima TV is an Online TV content provider that is run by Burmese journalists who are based in neighboring countries of Burma (Myanmar).We strive to produce world-class contents for Burmese as well as those who care about Burma affairs.
......................................................
