Zakir Həsənov yeni yaradılan Komando Hərbi hissəsində olub - Baku TV

Azərbaycan Prezidenti, Silahlı Qüvvələrin Ali Baş Komandanı İlham Əliyevin göstərişinə əsasən Azərbaycan Ordusunun döyüş qabiliyyətinin artırılması istiqamətində fəaliyyətlər davam edir. Oktyabrın 19-da müdafiə naziri general-polkovnik Zakir Həsənov və nazirliyin digər rəhbər heyəti yeni yaradılmış əməliyyat (komando) hərbi hissəsində olub.
Açılış mərasiminə dəvət olunan Vətən müharibəsi qaziləri ilə görüşən müdafiə naziri onların problemləri və istəkləri ilə maraqlanıb. Sonra Türkiyədə uzun müddətli “Komando hazırlığı kursu” keçmiş şəxsi heyətə beretlərin təqdim edilməsi mərasimi keçirilib.
Vətən müharibəsində əldə edilən təcrübə nəzərə alınmaqla hazırlanmış hərbi qulluqçulara beretlər təqdim olunub.
Mərasimdə çıxış edən müdafiə naziri Azərbaycan Ordusunun hərbi qulluqçularının peşəkarlığının daha da yüksəldilməsinə böyük töhfə verən bu kimi kursların davam etdiriləcəyini qeyd edib.
Hərbi hissənin ərazisindəki təlim mərkəzinə baxış keçirən nazir komandoların nümunəvi çıxışlarını izləyib. Sonra Müdafiə Nazirliyinin rəhbərliyi şəxsi heyətlə birgə nahar edib.
________________________________
Pulsuz Elanlar:[ Ссылка ]
Website: [ Ссылка ]
Bizi izləyin: [ Ссылка ]
****
Bizi Sosial Şəbəkələrdə izləyin
Facebook: [ Ссылка ]
Instagram: [ Ссылка ]__
Tiktok: [ Ссылка ]
****
Kanalımızın məqsədi dünyada və ölkədə baş verən ən vacib və maraqlı xəbərləri Azərbaycan və Rus dillərində geniş auditoriyaya çatdırmaqdır

****
2018/2021 © All Rights Reserved ℗ Baku TV

#BakuTv #Azerbaycan #trend

свернуть