إشترك في قناة الفنان ماجد خضير للأعمال الخاصه للحصول على أحدث أصداراتة الفنية

ماجد خضير - تفسير المنام (حصرياً) | 2023
‏Majed Khudair - Tafsir Almanam (Exclusive) | 2023

مهداه الى : محمد ابن الذيب
كلمات : فهد بن حمد ال صبيح
اداء : ماجد خضير
تصميم : @ZiyadAlotaibil

-
الكلمات :

ليلةٍ كنت انتظرها و اتحرى* لـ اتصاله
كنها ليلة فقيرٍ يمسك الدنيا بيدها

اغتنى بأمر* الولي من طيب نياته و فاله
الولي مدات جوده ماحدٍ يحصي عددها

يدري ان الله عطاه بقدرته مالا يساله
من عطاه الله يعيش و يترك العالم بعدها

و بين تفسير المنام و بين تكرار الرساله
ما صدق لي غير حلم و ما كسبت الا وعدها

و الظروف اللي تخلي حالة الرجال حاله
لو يموت ابرك ولكن لا يدنق و يعبدها

ما يمثل كل رجالٍ عزيز و فيه طاله
غير رجالٍ يشوف المعضله ثم يهبدها

علموه ان مر في بالي ولا مريت باله
والله اني دونه بدعوة صديقٍ ما بعدها

اسعفوني لين اعانق رغبتي و اكرم سباله
قبل روحي تنتهي و تروح و تخلي جسدها

الولد و ان زاد طيبه ينشدونه من خواله
بس هو اللي جعلها تفتخر بإنّه* ولدها

و القبيله لا ركب حبل الرشا فوق المحاله
ذا ولدها لا احتكم* شر الليال وذا سندها

ما على مجده غبار ولا على دربه ظلاله
لو تضيق به* الليالي ما التفت ولا نشدها

ابلجٍ ربي خلقه يحارب الدنيا لحاله
لين طاحت تحت كفه من مهدها لا لحدها

اصوكٍ ما يعطي الا من يديه و من حلاله
و اكرم من المزنه اللي تدهر و ارهى رعدها

كن ربي ما خلقه الا على شان الجماله
و الظروف اللي تحسك لين ما يقطع زبدها

ماسكٍ مبداه مسكت شايبٍ لاطيب* عياله
مستحيل يسلمه عوج الظروف ولا نكدها

كثروا اعداء النجاح و كثروا اصحاب الجهاله
لين صارت كل عينٍ ما يفارقها* رمدها

ما عليه من الضعوف و ما عليه من الحثاله
حكمة الله لا رفع وجه السماء و اخفى عمدها

ندري ان العادلي ما يعرف دروب العداله
و الدروب موضحه و العادلي صد و جحدها

علم اللي ما يصون العهد و اركان الشكاله
ياكل من النعمه اللي قدمت له و يحمدها

ذا ولد من يشرب الفنجال و يكب البياله
هيلعيٍ كل قمة مجد بعزومه صعدها

ذا ولد من مات ما ياخذ على الطرقي رياله
جعل قبره فالجنان و فالنعيم و في رغدها

ذا ولده اللي على نهجه و دربه و اعتداله
ضاعنيٍ كل وقفة عز لا وقف حصدها

و الحقيقه ليلةٍ مرت و جادت بـ اتصاله
اذبحوني يا جماعة خير في زمة نهدها

لحفظ وحماية حقوقك انضم الى عائلة الفان
‏[ Ссылка ]

свернуть