Ditën e sotme betohet kryetari i ri i komunës në Mitrovicën e Veriut, Erden Atiç. Gazetarja e Klan News, Blerta Dalloshi Berisha, raportoi se situata atje është e qetë. Mësohet se ka prani të shtuar të policisë dhe trupave të KFOR.
“Jemi këtu afër komunës ku pritet të zhvillohet ceremonia. Situata vazhdon të jetë e qetë, nuk ka ndonjë paralajmërim për ndonjë protestë apo ndonjë paralajmërim të qytetarëve megjithatë Policia e Kosovës dhe KFOR janë të pranishëm këtu dhe po kujdesen për sigurinë në këtë pjesë të Mitrovicës, konkretisht afër objektit të Kuvendit Komunal të Mitrovicës. Gjithçka është gati sipas zyrtarëve këtu”, raportoi gazetarja.
Përveç kryetarit sot do të zgjidhet edhe nënkryetarja. Po ashtu, kreu i kuvendit komunal atje tha se ka dakordësi që flamuri i Kosovës të vihet në të gjitha institucionet shtetërore të vendit.
“Kemi pasur konsultime, flamuri është brenda në kuadër të konsultimit, do të vendosë kryetari bashkë me anëtarët e kuvendit. Ne jemi të pajtimit që flamuri i Kosovës të vihet në institucionet e Republikës së Kosovës”, tha kreu i Kuvendit komunal të Mitrovicës së Veriut, Nexhat Uglanini.
Ariç fitoi zgjedhjet e jashtëzakonshme të mbajtura më 23 Prill si pjesë e Lëvizjes Vetëvendosje. Sot nuk pritet që të bëjnë betimin tre kryetarët e tjerë të rinj të komunave në veri./tvklan.al
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
