اشترك الآن في القناه الرسمية للفنان الوسمي:
[ Ссылка ]

الوسمي - المغرم | 2022
Al Wasmy - Al Moghram | 2022 #الوسمي #علي_بن_روغه #تراث

تنفيذ موسيقي : عبدالله المعمري
الحان : من التراث
قانون : حسن فالح
كمنجة : هيثم سعدون
ناي : وسام خصاف
ايقاع : سيف البلوشي
هندسة صوت ومكساج : انس الباروكي
اشراف عام عبدالله المعمري

…………………………………………..

المقطع الاول :
عنوان المقطع الاول : مرحباً يا سِيد ساداتي
كلمات :عوشه بنت خليفة السويدي (فتاة العرب)


مـرحباً يـا سِـيد سـاداتي
الـحـبـيب الـلـي يسلّيني

حـيّ انسي حيّ راحـاتي
لــي يـزعلني و يـرضيني

يـا غـرام الـمغرم اشـتاتي
مـنْك لـو بالوصل تحييني

وانـت حبّي وانت مهواتي
وانت لي زينك على زيني


عنْك ما تنْكّف عبراتي
لا و لا صبري يخلّيني

وتنخزن في اليوف ليعاتي
ومن اشاكي يا نظر عيني

ما يحمْل الصخر شدّاتي
لو بفزّع بالملاييني

وكيف عنْك تْطيب لذّاتي
في الحياه و نومي اييني

……..::::: ……..::::: ……..::::: ……..:::::

المقطع الثاني :
عنوان المقطع الثاني : بسّك بسّك
كلمات : سالم الجمري

بسّك بسّك كم بفداك
لا تعذبني يا المضنون
قلبي يتشفق لرضاك
لو تبى عيني بتهون

لو تبغي روحي تفداك
وانا المتشكّر منون
لنّ فوادي ما ينساك
وانته عندي ما بتهون

يا حلو الصبا محلاك
زينك حلو وعون ولون
ورد مفتّح في وجناك
وحيايك أسمر مقرون

تجرحني نظرة عيناك
أمضى من السيف المسنون
لكنك تمنع حسناك
وتعذّب قلباً محزون


……..::::: ……..::::: ……..::::: ……..:::::

المقطع الثالث
عنوان المقطع الثالث :يا كحيل الطرف
كلمات الشاعر : احمد بن علي الكندي


يا كحيل الطرف يا ذاك الجميل
جوّك الصافي علي اش كدره
ما انظرتك العين من وقتٍ طويل
لا ولا منك نديب اتخبرّه

كم تقول الناس محبوبك يميل
صوب غيرك هاجرنك واهجره
قلت انا مسمع لكم قايل وقيل
في انتظاره لين عيني تنظره


يا حبيبي ليش في وصلي بخيل
كم تعذّبني ولا لي مغفره
ارحم اللي عاش في حبك عليل
قبل ما يخسرك وانته تخسره

ياقمر وقتي وعقلي والدليل
والامل ياللي انا بتصوّره
انته راحاتي وعن شمسي ظليل
وانته اللي للشدايد اذخره

……..::::: ……..::::: ……..::::: ……..:::::

المقطع الرابع
عنوان المقطع الرابع : اهلا بنسيم
كلمات : سالم الجمري

اهلا بنسيمٍ هب من صوب عْربي
نسنس وهيّض مزملي والحانـي

وتذكرت نفسـي مـزار حبيّبي
في ليلةٍ يهنى بهـا الولهانـي

لي من ذكرت حبيّبي زاد تْعبـي
لجلج فوادي ورتكبـت احزانـي

والدمع من عيني هتوفٍ يسكبـي
من لاعج ٍ باقصى الحشـا يقلانـي

يحكم عليـّه دون حـق و واجبـي
شـرواة وصـف قالـه الهزّانـي

يا ناقتي والا العصا والا اشربـي
والا اصبري ع الكّود والحرمانـي

وانا على حكمه موافج مذهبـي
به معترف وانا الـذي غلطانـي

لنّه حبيـبٍ في الملا مالـه وِبـي
ياخذ مثـل مـن قايـد الغزلانـي

توزيع ديجيتال: شركة قنوات ميوزك

свернуть