Еліміздің әуе қорғанысы жаңа ұшақтармен толықты. Жоғары санаттағы - «Су-30 СМ» жойғыштары Талдықорғандағы әуе базасына келіп қонды.
Мұндай теңдесі жоқ әскери ұшақтар бүгінде дүние бойынша тек Ресей мен Қазақстанның қарулы күштерінің қолданысында бар. Ауа райының әртүрлі жағдайында әуедегі және жердегі нысандармен ұрыс жүргізе алатын әмбебап техника түрлі сынақтан сүрінбей өткен. Сағатына 2 мың 500 шақырымға дейін үдетіп, 19 мың метр биіктікте ұша алады. Кейінгі екі жылда Талдықорған әуе базасына алты «Су-30 СМ» ұшағы келді. Енді олардың саны 8-ге жетті. Әуе кемелерін Ресейдің Иркутск қаласынан тәжірбиелі ұшқыштар тізгіндеп келді.
Сергей Манадышев, сынақ ұшқышы /Ресей/:
-Бұл ұшақтар көп функциялы, өте жоғары маневрлі. Ұрысты кез келген жерде әртүрлі жағдайда жүргізе алады. Бірнеше қару түрімен жабдықталған. Бір мезетте әуедегі және жердегі қарсыласымен ұрыс жүргізеді. Қолдану мерзімі 25 жылдан жоғары.
![](https://i.ytimg.com/vi/F5ilc2P7WMY/maxresdefault.jpg)