సొరకాయతో చేస్తే కోఫ్తా కర్రీ రోటీ, ఫుల్కా లాంటి వాటిలోకి చాలా బాగుంటుంది. దీన్ని ఎలా చేయాలో చూసి, తప్పకుండా ట్రై చేయండి.

#sorakayakoftacurry #homecookingtelugu #laukikoftacurry #homecooking #hemasubramanian

Here is the link to Amazon HomeCooking Store where I have curated products that I use and are similar to what I use for your reference and purchase [ Ссылка ]

Here's the link to this recipe in English: [ Ссылка ]

తయారుచేయడానికి: 20 నిమిషాలు
వండటానికి: 45 నిమిషాలు
సెర్వింగులు: 4

సొరకాయ కోఫ్తాలు చేయడానికి కావలసిన పదార్థాలు:

సొరకాయ - 1
ఉల్లిపాయ - 1 (చిన్నగా తరిగినది)
పచ్చిమిరపకాయలు - 2 (చిన్నగా తరిగినవి)
అల్లం ముక్క - 1 (చిన్నగా తరిగినది)
వెల్లుల్లి రెబ్బలు - 2 (చిన్నగా తరిగినవి)
తరిగిన కొత్తిమీర
పసుపు - 1 / 4 టీస్పూన్
ఉప్పు - 1 / 2 టీస్పూన్
కారం - 1 టీస్పూన్
జీలకర్ర పొడి - 1 / 2 టీస్పూన్
గరం మసాలా పొడి - 1 / 2 టీస్పూన్
శనగపిండి - 1 / 4 కప్పు
వేయించడానికి సరిపడా నూనె

ఉల్లిపాయ పేస్టు చేయడానికి కావలసిన పదార్థాలు:

నెయ్యి - 1 టీస్పూన్
నూనె - 2 టీస్పూన్లు
ఉల్లిపాయలు - 2 (పొడవుగా తరిగినవి)
అల్లం ముక్క - 1 (తరిగినది)
వెల్లుల్లి రెబ్బలు - 3 (తరిగినవి)
పచ్చిమిరపకాయలు - 3 (తరిగినవి)

సొరకాయ కోఫ్తా కర్రీకి కావలసిన పదార్థాలు:

నెయ్యి - 2 టీస్పూన్లు
నూనె - 1 టేబుల్స్పూన్
జీలకర్ర - 1 టీస్పూన్
బిర్యానీ ఆకు - 1
ఉప్పు - 1 టీస్పూన్
కాశ్మీరీ ఎండుకారం - 2 టీస్పూన్లు
పసుపు - 1 / 4 టీస్పూన్
జీలకర్ర పొడి - 1 / 2 టీస్పూన్
ధనియాల పొడి - 1 టీస్పూన్
గరం మసాలా పొడి - 1 టీస్పూన్
టొమాటో ప్యూరీ
నీళ్లు - 1 1 / 2 కప్పులు
కసూరీ మేథీ
సొరకాయ కోఫ్తా బాల్స్
ఫ్రెష్ క్రీం
తరిగిన కొత్తిమీర

తయారుచేసే విధానం:

ముందుగా సొరకాయ కోఫ్తా కోసం సొరకాయ తొక్క తీసేసి, తురిమి, ఒక పలచటి బట్టలో వేసి, గట్టిగా నీళ్ళు పిండేయాలి

ఇప్పుడు మిగిలిన పొడి సొరకాయను ఒక బౌల్లో వేసి, అందులో చిన్నగా తరిగిన ఉల్లిపాయ, పచ్చిమిరపకాయలు,అల్లం వెల్లుల్లి, కొత్తిమీర, ఉప్పు, కారం, పసుపు, జీలకర్ర పొడి, గరం మసాలా పొడి, శనగపిండి, వేసి బాగా కలిపి, ఉండలుగా తయారుచేసి పక్కన పెట్టాలి

ఒక బాండీలో వేయించడానికి సరిపడా నూనె పోసి వేడి చేసి, అందులో కోఫ్తా బాల్స్ వేసి, అవి గోల్డెన్ బ్రౌన్ రంగులోకి మారేంత వరకూ వేయించి పక్కన పెట్టాలి

ఇప్పుడు ఉల్లిపాయ పేస్టు చేయడానికి నెయ్యి, నూనె వేసి, అందులో ఉల్లిపాయలు, అల్లం, వెల్లుల్లి, పచ్చిమిర్చి వేసి కనీసం నాలుగు నిమిషాల పాటు వేయించి, చల్లార్చి, ఒక మిక్సీలో వేసి మెత్తటి పేస్టు అయ్యేట్టు రుబ్బి పక్కన పెట్టుకోవాలి

ఇప్పుడు అదే ప్యాన్లో నెయ్యి, నూనె వేసి, అందులో జీలకర్ర, బిర్యానీ ఆకు వేసి వేయించిన తరువాత రుబ్బి పెట్టుకున్న ఉల్లిపాయ మసాలా పేస్టు వేసి పచ్చివాసన పోవడానికి కనీసం ఐదు నిమిషాలు వేయించిన తరువాత ఉప్పు, పసుపు, కాశ్మీరీ ఎండుకారం, జీలకర్ర పొడి, ధనియాల పొడి, గరం మసాలా పొడి వేసి బాగా కలపాలి

ఇందులో టొమాటోల ప్యూరీ వేసి, బాగా దగ్గరపడేంత వరకూ వేయించిన తరువాత నీళ్ళు పోసి, ఐదు నిమిషాలు మరిగించాలి

ఆ తరువాత కసూరీ మేథీ, వేయించిన కోఫ్తా బాల్స్ వేసి బాగా కలిపి ఇంకొక మూడు నిమిషాలు కూరని మగ్గనివ్వాలి

అంతే, గ్రేవీను ఒక సెర్వింగ్ బౌల్లో వేసిన తరువాత ఫ్రెష్ క్రీం వేసి, అందులో సొరకాయ కోఫ్తా బాల్స్ వేసి, పైన కొత్తిమీర చల్లి గార్నిష్ చేయాలి. సొరకాయ కోఫ్తా కర్రీను వేడిగా రోటితో, లేదంటే పరాఠాతో సర్వ్ చేసుకుని ఎంజాయ్ చేయచ్చు

You can buy our book and classes on [ Ссылка ]
HAPPY COOKING WITH HOMECOOKING!

ENJOY OUR RECIPES

WEBSITE: [ Ссылка ]
FACEBOOK: [ Ссылка ]
YOUTUBE: [ Ссылка ]
INSTAGRAM - [ Ссылка ]

A Ventuno Production : [ Ссылка ]

свернуть