Күллі қазақты әуезді әнімен тербеткен, сырлы сазымен ән құдіретін танытқан талантты сазгер Шәмші Қалдаяқовтың туғанына биыл 85 жыл.

Дара дарынның туған жері Оңтүстік Қазақстанда бүгін ауқымды шара өткізіліп, әні көкте қалықтады.

Таудың алыстаған сайын биіктей түсетіні секілді, халық жадындағы Шәмші бейнесі де уақыт өткен сайын асқақтай түсуде.

Бірнеше ұрпақты әнімен тербеткен сазгердің шығармалары қазір де халықпен бірге жасап келеді.

Көпке танымал «Бақыт құшағында», «Арыс жағасында», «Ақ бантик», «Тамды аруы» әндері халық әніне айналды десек, артық емес.

Талантына бас иген халқы оны вальс королі деп атады. Өнердегі өміршеңдік осы болар.

свернуть