Չարենցավան քաղաքի մուտքը զարդարող խորհրդանշական «Գանգրահեր տղա» արձանի մոտ՝ «Վերածնունդ» հուշահամալիրում, այսօր հայտարաված էր մաքրության օր, որին մասնակցում էր նաև Կոտայքի մարզպետ Ռոմանոս Պետրոսյանը: Համայնքապետարանի և սպասարկող ձեռնարկությունների աշխատակիցները, քաղաքի ակտիվ բնակիչները վաղ առավոտից մաքրում էին հուշահամալիրի տարածքը: Մարզպետ Ռոմանոս Պետրոսյանը համայնքի ղեկավարի տեղակալ Վարդգես Չիլինգարյանի հետ շրջեց Վերածնունդ հուշահամալիրի տարածքում, եղավ այգու կանաչ հատվածում, ծանոթացավ հուշահամալիրի կառուցման պատմությանը, շրջակա միջավայրի ինքնատիպ բուսականությանը:
«Վերածնունդ» հուշահամալիրը տեղադրվել է է 1980 թվականին, այն բանից հետո, երբ 1967 թվականին Լուսավանն անվանակոչվեց Չարենցավան: Հուշարձանի Քանդակագործ՝ Խաչիկ Միրիջանյանն է, ճարտարապետը՝ Հենրիկ Առաքելյանը:
Չարենցավանի բնակիչները մեծ ոգևորությամբ մաքրեցին ու բարեկարգեցին հուշահամալիրի տարածքը՝ վստահ լինելով, որ մի օր հնարավորություն է լինելու նաև վերականգնել հուշահամալիրի նախկին տեսքն ու նոր շունչ հաղորդել Գանգրահեր տղային, ով մոտ 4 տասնամյակ իր ձեռքերը վեր պարզած չարենցյան քաղաքին առաջնորդում է դեպի պայծառ գալիքը:
Չնայած վատ եղանակային պայմաններին՝ հուշահամալիրի տարածքում մաքրության աշխատանքները շարունակվեցին մինչև կեսօր, բոլոր մասնակիցները ոչ թե հոգնեցին, այլ դրական լիցքեր ստացած վերադարձան քաղաք:
Ещё видео!