Үш бірдей ұшақтан ақау шығуына байланысты тергеу басталды. Оның қорытындысы 10 күннің ішінде жарияланады.
Айта кетейік, оның екеуінің қозғалтқышы істен шықса, біреуінің навигациялық жүйесі істемей қалған. Бұл үш оқиға да осы наурыз айында тіркелді.
Абырой болғанда адам шығыны жоқ. Ақау салдарынан апатты болдырмау үшін ұшақтар шұғыл қонуға мәжбүр болған.
Талғат Ластаев, ҚР ИДМ Азаматтық авиация комитеті төрағасының орынбасары:
-Алдын ала болжау бойынша, техникалық себептер болуы мүмкін. Қозғалтқышта бірінші ретте конструкторлық дефект болуы мүмкін. Екіншіден, қазір тергеу жасап жатырмыз, оның әлі қорытындысы жоқ. Тергеу аяқталғанда қорытындысын баяндаймыз.
