ගීතය: "පිටිසරෙහි අගේ"
ගායනය: ධර්මදාස වල්පොල
පද රචනය: ඩබ්ලිව්. විල්ෆ්‍රඩ් සිල්වා
සංගීතය: ටී.ආර්. පාපා (ඉන්දීය ජාතික)
චිත්‍රපටිය: සුරතලී 1956
(මෙම ගීතයෙහි තනුව පහත හින්දි ගීතයෙන් අනුකරණය කළා විය හැකිය.)
Bechain nazar betaab jigar (Yasmeen) (1955) Singer- Talat Mehmood, Lyrics- Jaan Nissar Akhtar, MD- C Ramchandra
--------------------------------------------
පිටිසරෙහි අගේ සිරි නරඹමිනේ
(සංගීතය)
පිටිසරෙහි අගේ සිරි නරඹමිනේ
ගිය ගමනක විසිතුරු කියමි මෙසේ
මම ගයමි මෙසේ
(සංගීතය)
දිය කෙළින ලෙසේ පිරිවැරුණ තොසේ
කෙල්ලන් දැක දනපති කොල්ලෙකුගේ
සිත උමතු උනේ
(සංගීතය)
මරු විකල වුවෙකු ලෙස කෝපයෙනේ
වැදි මුහුණ පුරා මඩ පහරගැනේ
මැත දොඩමින පැන ගිය නමුදු අනේ
(සංගීතය)
මැත දොඩමින පැන ගිය නමුදු අනේ
සිනහවට ඇගේ ඔහු වසඟ උනේ
ඔහු වසඟ උනේ
(සංගීතය)
නා දළු වැනි වේ තොල් රතට රතේ
නිල් මිණි පරදයි නෙත් සඟල ඇගේ
සිහිනිඟ රියසක වැනි උකුල ලැමේ
රණ තිසරු ගෙනෙයි පෙම් ලොවක සැපේ
පෙම් ලොවක සැපේ
(සංගීතය)
ඉසි දැහැන පවා බිඳුවන්ට කැළේ
ලියතඹර පිපේ මල්ගොමු අතරේ
රූපයට ලොබා වෙන පරිදි ලොවේ
(සංගීතය)
රූපයට ලොබා වෙන පරිදි ලොවේ
ඉතිරිය කිමදෝ මහබඹු මැව්වේ
මහබඹු මැව්වේ
(සංගීතය)
දිය කෙළින ලෙසේ පිරිවැරුණ තොසේ
කෙල්ලන් දැක දනපති කොල්ලෙකුගේ
සිත උමතු උනේ
----------------------------------------------

свернуть