Շատ ծնողներ անտեղյակ են, որ իրենց երեխան ունի տնայցային կրթական ծառայություն ստանալու իրավունք։ Իսկ դպրոցը պարտավոր է որակյալ կրթական ծառայություն մատուցել և ապահովել անհրաժեշտ ուսումնական նյութերով:
Ծնողի մասնակցությամբ երեխայի համար կմշակվի անհատական ուսումնական ծրագիր, յուրաքանչյուր տարվա համար կհատկացվեն ուսումնական նյութեր, կհատկացվեն ուսուցիչներ, և կազմակերպվի անմիջական ուսուցման գործընթացը: Պետական հաստատված կարգով ուսուցման 12 տարիների ընթացքում դպրոցը պետք է ապահովի 14 անուն առարկայի ուսուցում, իրենց համապատասխան ժամաքանակով: Երեխայի ստացած գիտելիքները կենթարկվեն ընթացիկ ստուգումների և վկայագրման:
Մարտունու կանանց համայնքային խորհուրդ ՀԿ-ի իրականացրած ծրագրով
ստեղծվել է Գեղարքունքի, Կոտայքի և Լոռու մարզերի շահառու երեխաների տվյալների բազա, որը մշտապես կհամալրվի նաև ձեր աջակցությամբ:
Ուստի, խնդրում ենք ծնողներին հետագա աջակցություն ստանալու համար, երեխայի տնայցային ուսուցման վերաբերյալ մասնագիտական եզրակացություն ստանալուց հետո այդ մասին տեղեկացնել «Մարտունու կանանց համայնքային խորհուրդ» ՀԿ-ին այցելելով հետևյալ հասցեով՝ Մարտունի,Պռոշյան 8 կամ զանգահարելով +374 94211396։
