Հաշվապահական պրակտիկան լավագույն հնարավորությունն է բոլոր նրանց համար, ովքեր ցանկանում են վերապատրաստվել, թարմացնել գիտելիքները կարիերայի նոր փուլ սկսելուց առաջ։
Ո՞վ է հաշվապահը.
Հաշվապահներն այլևս մութ անկյունում բազմաթիվ թղթերի մեջ թաղված, ձանձրալի ու ջղային մասնագետները չեն։ Նրանք վաղուց արդեն վերածվել են գործարարի լավագույն խորհրդատուների, ովքեր իրենց գիտելիքով, փորձով և վառ երևակայությամբ ապահովում են բիզնեսի ֆինանսական առողջությունը և պաշտպանում են հարկային հնարավոր խնդիրներից։
Ու՞մ համար է նախատեսված
Ուսանողներ - Եթե դու սովորում ես հաշվապահություն, սակայն չես պատկերացնում՝ ինչպես է կարելի է իրական կյանքում կիրառել ստացած տեսական գիտելիքները, ապա այս հնարավորությունը քեզ համար է։
Փորձ չունեցողներ - Եթե դու ունես հաշվապահական նախնական գիտելիքներ, բայց չունես աշխատանքային փորձ կամ երկար ժամանակ չես կիրառել դրանք, ուրեմն այս հնարավորությունը կօգնի քեզ ձեռք բերել անհրաժեշտ «մարզավիճակ» և ինքնավստահություն։
Սկսնակ հաշվապահներ, հաշվետարներ - Եթե դու աշխատում ես, սակայն քո աշխատանքային պարտականությունների շրջանակը շատ նեղ է և թույլ չի տալիս զարգանալ, ապա այս հնարավորությունը կօգնի պրակտիկայի միջոցով ընդլայնել քո գիտելիքներն ու հմտությունները։
Ի՞նչ կսովորեք
1. Հաշվապահական և հարկային ծրագրեր
Պրակտիկայի ընթացքում կաշխատես ՀԾ 7 համակարգով, ինչպես նաև E-Invoicing և Taxservice հարկային համակարգերով։
2. Հարկային օրենսդրություն
Կուսումնասիրես Հարկային օրենսդրության փոփոխությունները, կսովորես դրանց պրակտիկ կիրառությունը։
3. Աշխատանքային օրենսդրություն
Կկազմես աշխատանքի ընդունման-ազատման փաստաթղթեր, ինչպես նաև կադրային այլ փաստաթղթեր, կուսումնասիրես օրենսդրությունը։
4.Ֆինանսական հաշվառման հիմունքներ
Կսովորես անհրաժեշտ հաշվապահական ձևակերպումները, ստանդարտների պահանջները, կկիրառես դրանք գործող ընկերությունների օրինակով։
#հաշվապահականպրակտիկա #հաշվապահություն #հաշվապահ #բիզնես #հծ #հարկայինօրենսդրություն #հարկային #ինվոյս #team2b
![](https://i.ytimg.com/vi/FYeNsszIiwc/maxresdefault.jpg)