Мәжіліс жер учаскелерін электронды форматта беру туралы заң жобасын мақұлдады
Депутаттар жылжымайтын мүліктің бірыңғай мемлекеттік кадастры шеңберінде мемлекеттік көрсетілетін қызметтерді цифрландыру мәселелері бойынша түзетулерді бірінші оқылымда мақұлдады. Жоба Мемлекет басшысының халық пен бизнестің жер қоры мен жылжымайтын мүлік туралы ақпаратқа ашықтығын және толық қолжетімділігін қамтамасыз ету жөніндегі тапсырмасын орындау мақсатында әзірленген.
«Барлық ақпараттық жүйені интеграциялау есебінен өтінішті қарау барысына цифрлық бақылау қамтамасыз етіледі және мемлекеттік органдардың жер учаскесін беруде негізсіз бас тартуларының жолын кесетін болады. Жаңа тәртіп кадастрлық деректердің қолжетімділігі мен республиканың барлық аумағын ашық цифрлық картамен қамтамасыз етуге және сыбайлас жемқорлық тәуекелдерін азайтуға бағытталған», – деді Цифрлық даму, инновациялар және аэроғарыш өнеркәсібі министрінің міндетін атқарушы Әсет Тұрысов.
Депутат, Мәжілістің Аграрлық мәселелер комитетінің мүшесі Айқын Қоңыров ел аумағы интернетпен толық қамтылмағандықтан, жер учаскелеріне құқық берудің электронды форматы тек елорданың, республикалық, облыстық және аудандық маңызы бар қалалардың жерлері үшін ғана енгізілетінін айтты. Бұл мүмкіндік «Электронды үкіметтің» веб-порталында жария кадастрлық карта арқылы жүзеге асырылады. Ал елдімекендер, кенттер мен ауылдық округтер үшін интернет қолжетімсіздігіне байланысты қолданыстағы тәртіп сақталады.
Сондай-ақ жалпы отырыста «Қазақстан Республикасы мен Халықаралық Қайта Құру және Даму Банкі арасындағы Қарыз туралы келісімді ратификациялау туралы» заң жобасы мақұлданды. Несие 345,7 миллион еуроны құрайды және ол толығымен бюджет тапшылығын қаржыландыруға жұмсалады.
«Қаражат республикалық бюджетте көзделген әлеуметтік және басқа да басымды мақсаттарға арналған қаржыны қоса алғанда, жалпы бюджет шығыстарын қолдауға мүмкіндік береді. Дүниежүзілік Банктің қарызы Қазақстан Республикасына 2,5 жылдық жеңілдік кезеңімен, 11,5 жыл өтеу мерзіміне беріледі», – деді ҚР Премьер-Министрдің орынбасары – Қаржы министрі Е.Жамаубаев.
Сонымен қатар Мәжіліс ерекше тауарларды бақылау, жастар саясаты мәселелері жөніндегі заң жобаларын екінші оқылымда мақұлдады. «Еуразиялық экономикалық одақ шеңберінде кредиттік тарихтың құрамына кіретін мәліметтер алмасу тәртібі туралы келісімді ратификациялау туралы» заң жобасын жұмысқа алды.
#мәжіліс #депутатсауалы #қрпарламенті
Мәжілістің ресми аккаунттары:
Telegram: [ Ссылка ]
Instagram: [ Ссылка ]
Facebook: [ Ссылка ]
Twitter: [ Ссылка ]
Ресми сайт: [ Ссылка ]
Мәжілістің ресми аккаунттары:
Telegram: [ Ссылка ]
Instagram: [ Ссылка ]
Facebook: [ Ссылка ]
Twitter: [ Ссылка ]
Ресми сайт: [ Ссылка ]
