Şu günki programmamyzda:
- Ahal welaýatynyň Tejen etrabynyň bugdaý meýdanlarynda syçan we alaka ýaly gemrijiler köpelýär. Munuň bilen bir wagtda, ekin meýdanlarynda ýylanlaryň sany hem artýar. Bu ýagdaýlar ýerli daýhanlary alada goýýar. Bu barada Azatlyk Radiosynyň habarçysy 4-nji iýulda sebitden maglumat berdi.
- Şu günler Mary welaýatynyň Baýramaly we Garagum etraplarynda azyk harytlary satylýan hususy dükanlaryň ençemesinde temmäki önümleriniň ygtyýarnamasyz söwdasyna garşy häkimiýetler tarapyndan göreş alnyp barylýar. Bu aralykda, çilim söwdasynyň töweregindäki gymmatçylyk dowam edýär.
- Hazar deňziniň türkmen kenarynda ýerleşýän “Awaza” syýahatçylyk zolagynda dynç alyş möwsümi dowam edýän mahaly, içerki syýahatçylaryň transport kynçylyklary ýitileşýär.
- Ukrainanyň paýtagtyndaky harby resmiler 4-nji iýul gününiň dag çaglarynda Kiýewi nyşana alan rus pilotsyz uçarlarynyň täze "tolkunlarynyň" öňüni alandyklaryny aýtdylar, gündogarda, ýüzlerçe kilometr uzaklykda ýerleşýän uly bir şäheriň ýaşaýjylary bolsa, bir hepdeden hem az wagt içinde urlan üçünji zarbadan ölenleriň ýasyny tutýandyklaryny habar berdiler.
Habarlaşmak üçin:
• Whatsapp: +420 724 168 989 we +420 773 797 383
• Telegram: @Azathabar
