Өз ісінің маманы болу деген жауапкершілікпен еңбек ету, жүйелі жұмыс істеу, күн сайын өзінің салаң бойынша білім алуды білдіреді.
«Табыс жолы» бейнежобамыздың кейіпкері «Микробиология, вирусология және иммунология» кафедрасының аға оқытушысы, PhD Динара Сарыбаева талай жылдан бері ғылыми-зерттеу жұмыстарымен айналысып келеді.
2019 жылы Динара ғылымдағы жоғары жетістіктері үшін Нұрсұлтан Назарбаев Қорының лауреаты атанды. Қордың сыйлығы төрт түлік малда кездесетін асқазан-ішек ауруларының алдын алу мен емдеуде «Антакон» пробиотикалық препаратын әзірлегені үшін берілді.
Бұл препараттың маңызы зор. Шынында да, қазіргі мал шаруашылығындағы маңызды міндеттің бірі туғаннан кейінгі кезеңдегі малдың қауіпсіздігін қамтамасыз ету. Соңғы онжылдықта жас туған түліктің 60%-дан өлген. Аурудың жоғары деңгейі жануарлардың иммундық қорғаныс деңгейі төмен және шартты патогендік микрофлораның теріс әсеріне төтеп бере алмайтынымен байланысты.
Динара Сарыбаева әзірлеген пробиотик тиімділігі жоғары импортты алмастыратын биопрепарат, экологиялық қауіпсіз, қолдануға ыңғайлы және ұзақ сақталады. Пробиотикті қолдану бұзау, қозы және торайдың ауруын едәуір азайтады. Препараттың арқасында жануарлардың 90%-дан астамы аман қалады.
Қазіргі таңда Динара Сарыбаева зерттеу нәтижесін енгізу бойынша жұмысын кеңейтіп, пробиотикті құс және мамық жүнді аң шаруашылығында қолдану мүмкіндігін зерттеуде.
Динараға табыс, сәттілік және амандық тілейміз!
![](https://i.ytimg.com/vi/FmPVM1ASJLc/maxresdefault.jpg)