Tol kung inyong naaalala nung mga nakaraang videos natin kagaya nina Jaybee Sebastian, Herbert Colanggo, Kerwin Espinosa at Jeffrey Diaz alyas Jaguar ay lahat ng videong yon ay Peter Co nang Peter Co ang ating nababanggit kaya naman kikilalanin nga natin itong si Peter Co kung saan ang mga nabanggit na kilalang illegalista ay siyang itinuturo bilang pangunahing supplier ng mga ipinagbabawal na gamot. Tatlo yan sila tol nung inispecial mention ng dating Pangulong Duterte noong 2016 na mga pangunahing druglord ng bansa. Peter Co, Peter Lim at Herbert Colanggo kung saan pinagbantaan ni Duterte ang mga ito sa kanyang talumpati, na nagsilbing paalala sa publiko tungkol sa kahalagahan ng paglalantad at pagtugis sa mga taong ito upang matigil ang laganap na problema ng droga sa bansa. At syempre hindi rin mawawala ang salitang quote unquote “HARI” na minsan na ring nakadikit sa kaniyang pangalan kagaya ni Jaybee Sebastian at Herbert Colanggo. Pero hindi siya nabansagang hari ng bilibid dahil sa malupit siyang hitman sa loob gaya ni baby ama kundi dahil sa laki ng impluwensiya nito at kayamanan.

Wu Tuan Yuan alyas Peter Co ay isang Chinese national, sinasabing siya ang leader ng Bilibid 19 at leader ng isang Chinese drug Triad na nakabase ang operasyon sa Luzon at Metro Manila. Batay sa isang intelligence report na nakaabot kay dating Pangulong Duterte, si Peter Co ay may direktang koneksyon sa China para sa distribusyon ng mga illegal na droga at paraphernalia dito sa bansa. Bagamat hindi fluent sa pag-sasalita ng Tagalog si Peter Co, ayon sa mga impormasyon, ay nakakaintindi naman ito kahit papano. Noong 2001, nasentensiyahan si Peter Co ng reclusion perpetua o permanenteng pagkakabilanggo dahil sa pagbebenta ng ipinagbabawal na gamot na may timbang na 251.04 grams. Kahit na hindi inamin ni Peter Co ang mga alegasyon laban sa kanya, ayon sa mga pulis na umaresto sa kanya, walang duda na si Peter Co ang supplier ng mga nahuhuli nilang mga nagbebenta. Isang pagkakataon, ayon sa mga operatiba ng Western Police District (WPD), nang maaresto nila ang isang illegalistang nagngangalang Wilson Esternon at makuha sa kanya ang kilo-kilong bato, kaagad nilang tinanong si Wilson kung sino ang kanyang supplier at kung saan ito nakatira. Kaagad na inamin ni Wilson ang kanyang supplier at sinabing bigtime ito. Sa pagkarinig ng impormasyong ito, kaagad na inplano ng mga awtoridad mula sa WPD Detective Trackers Section ang isang buy-bust operation upang matiklop ang taong ito na kilala sa pangalang Peter Co.


True Crime Tagalog | Tagalog Crime Stories

свернуть