Curros Enríquez, unha das grandes figuras do Rexurdimento galego, xunto con Rosalía e Pondal, naceu en Celanova en 1851 e morreu na Habana en 1908. Marchou a Madrid con 15 anos e non fixera aínda 18 cando escribiu a letra da canción, que titulou como "Cántiga". Pero enseguida comezou a ser coñecida popularmente como "Unha noite na eira do trigo".
A primeira vez que se musicou o poema foi coa axuda dunha guitarra e o autor foi o estudante Alonso Salgado, que compartía cuarto con Curros. Anos despois, o compositor Xoán Montes fixo unha versión para voz e piano. Pero sería a melodía do mestre Xosé Castro "Chané", outro emigrado a Cuba con quen Curros fixo moita amizade, a que quedaría para a historia.
![](https://s2.save4k.ru/pic/FuudtGSXqSY/maxresdefault.jpg)