للقراءة :
في عارضي لاحظت بادي شيبتين
وأكيد ما هن جالسات بلا خوات
استعجلن قدام سن الـ أربعين
موقرات .. وزاجرات .. ومنذرات
والشيب سنة من عصور الأولين
لازم يصير أن كان ما صار الممات
الصادرين يودعون .. الواردين
والواردات .. أكيد بكره صادرات
يا رب توزعني طريق الشاكرين
المؤمنين إللي على دين وثبات
ما عاد تجذبني مزوح الساهرين
ولا تعاليل الليال .. الخاليات
ولا عاد تبهج مهجة الصدر الحزين
لذايذ الدنيا .. وكثر المغريات
لازم يكدر دلو ماها دلو طين
لو كان واردها على شط الفرات
المر بلساني وصدري من سنين
ما ينتحلى لو على سكر نبات
على ما قالوا يا زمان الطيبين
قبل تويتر لا يجي وسناب شات
يا كثر ماني سامح إلا حاجتين
صيد الخلاص النايد ومشي في النبات
والنفس قادرها مع الدرب اليمين
لو هي تنازعني على حب البنات
يبصر بقلبه راعي العقل الرزين
والعقل نوب يقفل الأربع جهات
للشاعر/ عكاش الذيابي
