Еліміздің кей қалаларындағы емханаларда әлі білікті дәрігерлер тапшы.
Сондықтан бір маманның көмегіне 3 мыңдай адам жүгінеді. Бұл туралы алғашқы медициналық көмек қызметін дамытуға арналған баспасөз мәслихатында айтылды. Мамандар бұл мәселені мемлекеттік жекеменшік емханаларды қолдау арқылы шешуге болады дейді. Ал денсаулық сақтау министрлігі медициналық-санитарлық алғашқы көмек қызметін жаңа бағытта дамытпақ. Ол үшін отбасылық денсаулық орталықтарын, профилактикалық көмек көрсету бөлімшелерін ашу көзделіп отыр. Сәйкесінше қажетті мамандар тартылып, халыққа қызмет көрсету сапасы жақсара түседі.
Айнұр Айыпханова, ҚР ДСМ денсаулық сақтауды дамыту республикалық орталығының бас директоры:
– Әсіресе ауылдық жерлерде медициналық қызмет көрсету ұйымдары бар болғанымен, оның халыққа деген әсері аз. Қолжетімсіздіктің әсерінен ауылдық жерлер немесе шағын қалалардағы тұрғындар алғашқы медициналық көмекті алудың орнына, ауруханаларға жатып емделуге мәжбүр.
![](https://i.ytimg.com/vi/Fz-n9n9QbtM/maxresdefault.jpg)