Хаж сүресі, 47 – аят: «Негізінде Алланың қасындағы бір күн, сендер (жер бетінде) санайтын мың жылмен тең», - деген аятқа сәйкес адамның 68 жыл өмірі иләһи уақытпен салыстырғанда небәрі 1,5 сағат болады (24/1000=0,024; 0,024*68=1,632).

Енді келесі аяттарға мән берейік.

Ахқаф сүресі 35-аят: «Олар өздеріне уәде етілген азапты көрген күні дүниеде бір-ақ сағат тұрақтаған екенбіз деген ойға қалады. Біле білгенге бұл – анық насихат».

Юнус сүресі 45-аят: «Оларды жинайтын күні (дүниеде) күндіз бір-ақ сағат тұрғандай болып, олар бір-бірін таниды. Аллаға жолығуды жасынға шығарып, тура жолға түспегендер зиянға ұшырайды».

Муминун сүресі, 112-115 аяттар: «Алла, оларға: "Сендер жер жүзінде қанша жыл тұрдыңдар?", - дейді. Олар: "Бір күн немесе жарты күн тұрдық. Оданда санақ жүргізгендерден (періштелерден) сұра", - дейді. Алла: "Егер білген болсаңдар аз ғана-ақ тұрдыңдар", - дейді. "Біз сендерді жай ермек үшін жараттық та және сендер бізге қайтарылмаймыз деп ойладыңдар ма?", - дейді».

Басқаларға қалай екенін білмеймін, бірақ өзіме бұл керемет инсайт. Тайм-менеджмент жайында мың кітап оқымасамда, бір аяттың өзі санамды дүр сілкіндіреді. Сол себепті алтын уақытымды өте ұқыпты жұмсауға тырысамын. Әрі дүние ме, әрі ақыреті ме қамданамын. Себебі 1 сағат ғұмыры қалған адамға, уақыттың қадірін түсіндірудің қажеті жоқ. Келісесіздер ме?

свернуть