Այսօր առավոտյան ևս երկու տասնյակ սիրիահայ լքեց Հայաստանը և ուղևորվեց Կանադա՝ այնտեղ գործող «Հայ տուն» կազմակերպության աջակցությամբ։ Կազմակերպության կայքի համաձայն՝ 2014-ից սկսած արդեն Կանադա է տեղափոխվել ավելի քան 500 սիրիահայ։ Այսօր «Զվարթնոց» օդանավակայանի սպասասրահում հավաքված սիրիահայերը խուսափում էին տեսախցիկի առջև բացատրել, թե ինչու են կրկին հեռանում հայրենիքից։
