‎
كلمات : ام حمد
اداء : ابوهذال السيفي
فديو : الفخم

يا طير ياللي تدبل الجرح بلحون
‎صوتك يهيض والحزين ابتلى به

‎دور بدال غصونك اللدنه غصون
‎غرد لحالك غصننا وش تبا به

‎تبين الحزن الخفي دمعة عيون
‎وانا بصدري حزن محدٍ درا به

‎اصد من خوف القرايب يشوفون
‎ثمة سؤالٍ في عيوني جوابه

‎سهم القدر رماني بسهم مسنون
‎يوم الحزن غطا عليا حجابه

‎ابكي فقيدٍ كسيب النعم مليون
‎اليا تقدم يحتمي دور لابه

‎ارثي فريد الوصف بالشكل واللون
‎ارثي الفتى الي راح بأول شبابه

‎مرحوم ياللي في ثرى القبر مدفون
‎قد له شهر من يوم هالو ترابه

‎ضاقت عليا الأرض والقلب مغبون
‎معاد في الأرض الوسيعة رحابه

‎عقبه شعوري ضاع والصوت محزون
‎عقبه تجرعت الحزن والكآبه

‎ما انساه لو كل المخاليق ينسون
‎ذكراه في قلبي تكثر عذابه

‎والقلب من فرقا حسن صار مطعون
‎فقدت انا اللي ما يعوض غيابه

‎بالهون يا صكات الأيام بالهون
‎فقدت انا خيرة هلي والقرابه

‎يا جرح انا ماني بناسيك بالعون
‎يا سم في الخفاق مغروس نابه

‎حكم الولي ماشي على كل قانون
‎شيءٍ مقدر مستحيل اجتنابه

‎ياهل القصيد اللي بزينه تغنون
‎عندي قصيدٍ مثل رش السحابه

‎اسقي بها الذكرى بعد حب مصيون
‎لو جاه جرحٍ ما حسبنا حسابه

‎فارقت من بعده حياتي بلا لون
‎اشوف فيها كل شي يتشابه

‎روحي معه مقبوره وخالق الكون
‎من يوم ودع مرقدي ما اهنا به

‎حمد وربي ما بقا شي مضمون
‎ابوك راح وما بقى الا ثيابه

#ابوهذال_السيفي
#ابوهذال
#المنشد_ابوهذال_السيفي

свернуть