Қасіретті қаңтар оқиғасы кезінде Алматыда тұрғын үйдің шатырына шығып, қалалық Полиция департаментіне оқ жаудырған снайперлер әлі табылған жоқ. Полицейлер олардың тек біреуінің ғана аты-жөнін анықтаған. Жалпы полиция ғимаратына төрт мерген оқ атыпты.
Бүгін еліміздің Бас прокуратурасы қаңтар оқиғасына қатысты істердің тергелу барысын баяндады. Ведомствоның мәліметінше, полицейлерге оқ жаудырған мергеннің бірі үй төбесінде жарақаттанған екен. Оны қасындағы сыбайластары жерге түсіріп, қалалық аурухананың аумағында қалдырып кетіпті. Кейін мергеннің денесі қалалық мәйітханаға жеткізілген. Арнайы прокурорлар молекулалық-генетикалық сараптама жүргізіп, оның жеке басын анықтаған. Ал қалған үш снайпер әлі қолға түскен жоқ. Жалпы қаңтар оқиғасына 12 ұйымдасқан қылмыстық топ қатысқан. Олардың ішінде жаппай тәртіпсіздікке әсіресе «Дикий Арман» лақап атымен танымал Арман Жұмагелдиевтің, сондай-ақ «Қазақстандықтар» және «Айшуақ-Жантүгел» қылмыстық топтарының мүшелері белсенді араласқан. Осылайша ұйымдасқан қылмыстық топтың 23 мүшесі қамауға алынған. Оның төртеуі қылмыс әлемінің серкесі. Айта кету керек, бұған дейін полиция ғимараттарын тастап, ондағы қару-жарақтың тоналуына жол берген басшылар "күдікті" ретінде танылды.
ЕЛДОС ҚИЛЫМЖАНОВ, ҚР Бас прокуратурасы Қылмыстық қудалау қызметі бастығының орынбасары:
– Алматы, Жамбыл және Қызылорда облыстарының Ұлттық қауіпсіздік комитеті және полиция департаменттерін, Алматы әуежайының ғимараттарын тастап кету фактілері бойынша жұмысты жалғастырудамыз. Бұл органдардың басшылары күдікті ретінде танылды. Жамбыл облысы полиция департаменті бастығының бұрынғы орынбасары ұсталды. Ол қызметтік қаруды сақтауға жауапты болды және қару арсеналының бір бөлігін тоналуына жол берді. Нәтижесінде қылмыскерлердің қолында 610 қару, соның ішінде автоматтар, тапаншалар мен гранатометтер болды.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#ҚаңтардағыҚасірет #тергеу #бүлікшілер
