-සැෆ්‍රන් මලේ කතාව-(crocus flower)

ලෝකයේ තිබෙන ලස්සන මල් අතර රත්තරන් වලටත් වඩා වටිනාකමක් තිබෙන මල්වර්ගයක් තිබෙනවා කියලා අහලා තියෙනවද?

ඔව් ,එහෙම මල් වර්ගයක් තියෙනවා ,ඒ තමයි "සැෆ්‍රන්" එහෙමත් නැත්නම් "කුංකුම" නිපදවා ගන්න යොදා ගන්නා ක්‍රෝකස් (crocus) මල.කුංකුම හඳුන්වන්නේ "රතු රත්තරන්" කියන අන්වර්ථ නාමයෙන්.ඒ මිළ අධික හින්දම තමයි.

ක්‍රෝකස් මලේ රේණු යොදා ගෙනයි කුංකුම නිපදවන්නේ.මලේ හට ගන්නේ මල් රේනු 3ක් හෝ 4ක් වගේ ප්‍රමාණයක් .ඉතින් කුංකුම කිලෝ එකක් නිපදවන්නට මල් 100000ත් 150000 ත් අතර ප්‍රමාණයක් අවශ්‍ය වෙනවා.පැය 20ක විතර කම්කරු ශ්‍රමයක්.අතින්ම නෙලා ගන්නා මේ මල්වල රේණු වියළා ගැනීමෙන් වියළි කුංකුම නිපදවා ගන්නවා.
ශත වර්ෂ ගණනාවකට එහා පුරාණ මිසරයේ හා පර්සියාවෙ සුවිශේෂී ඖෂධයක් ලෙස යොදා ගත්තු මේ මලේ නිජ භූමිය ඉරානයයි.අදටත් එදා වගේම ගුණාත්මක භාවයෙන් යුතු සැෆ්‍රන් ලොවට බෙදා දෙන්නට මේ වගාව වැඩි වශයෙන්ම සිදු කරන්නේ ඉරානයයි.කාශ්මීරය,ග්‍රීසිය,ස්පාඤ්ඤය ,ඉන්දියාව,ඉතාලිය වගේ රටවලත් මේ ශාකය වගා කරනවා.කොහොම උනත් ලෝකයේ විශාලතම කුංකුම නිශ්පාදකයා ඉරානය.ඉරානයේ හා කාශ්මීරයේ කුංකුම ගුණාත්මක භාවය අතින් ඉහළ බවයි පිළිගන්නේ.
1-සර්ගෝල් සැෆ්රන් - All Red Sargol Saffron.
2-නෙගීන් සැෆ්රන් - Negin Saffron.
3-පුශාල් සැෆ්රන් - Pushal Saffron.
4-බන්ච් සැෆ්රන් -Bunch Saffron

ආදී විදියට කාණ්ඩ හතරක් යටතේ වර්ගීකරණය කරන ලද කුංකුමවලින් සර්ගෝල්-sargol හා නෙගින්-negin ඉතා ඉහල ගුණාත්මක බවක් තිබෙන බවයි පිළිගන්නේ.

ඉතා ඈත අතීතයේ පටන් ඖෂධයක් ලෙසත් කුළුබඩුවක් ලෙසත් භාවිතා වුණු කුංකුම වල බොහෝ ගුණ තිබෙනවා.
* සම හා ශරීරය පැහැපත් කිරීම
* මානසික සමබරතාවය පවත්වාගැනීම.
* හෘදයට ඉතා හිතකරවීම.
* පිළිකා නාශක ගුණය.
* ප්‍රතිශක්තිකරණ ගුණය.
* ලිංගික ශක්තිය වැඩි කිරීම
* තරුණ බව රැකදීම

මෙහි තිබෙන ගුණවලින් කිහිපයක්.ඉතා විශාල වශයෙන් රූපලාවන්‍ය ඔසු නිපදවීමට මෙන්ම ලෙඩරෝග සඳහා ඔසු නිපදවීමටත් කුංකුම භාවිතා වෙනවා.
ගර්භනී කාන්තාවන්ගේ දරු ප්‍රසූතිය පහසු වීමට හා නීරෝගී,පැහැපත් දරුවකු ලැබීම පිණිසත් ගර්භණී කාන්තාවන් කුංකුම භාවිතයට අතීතයේ පටන් හුරුවී තිබෙනවා.නමුත් ගර්භනී මව්වරු වෛද්‍ය නිර්දේශ මත භාවිතා කිරීම වැදගත් වෙනවා. ඒවගේම ඉන්දියාවේ හා මැදපෙරදිග කාන්තාවන් බොහෝ දෙනෙක් කුංකුම දිනපතා පානය කිරීමට පුරුදුව සිටිනවා.කිරි හෝ වෙනයම් පානයකට මේ රේණු 2ක් 3ක් දමා පානය කිරීමෙන් ශරීරයේ පිටත සුන්දරත්වය වැඩි වීම මෙන්ම අභ්‍යන්තරයද සුවපත්වන බවයි ඔවුන් පවසන්නේ.

හොදම Saffron ලබා ගන්න මෙන්න ලින්ක් එක[ Ссылка ]

#short#youtubeshort#srilankanshort
#cooking#apeamma#skin#faceskin#drinking#saffron#apeamma#Mrkichen#cooking

свернуть