ადიგენში, სახალხო დღის აღნიშვნა სპორტული აქტივობებით დაიწყო. დაბა ადიგენის ცენტრალურ სტადიონზე ფეხბურთში ნიაზ ჩირგაძის სახელობის ჩემპიონატის ფინალური თამაში გაიმართა, სადაც ერთმანეთს ჭეჭლა-გორგულის გუნდები დაუპირისპირდნენ. ჩემპიონატი გორგულის გუნდის გამარჯვებით დასრულდა. ფინალში გასული გუნდები ადიგენის მერიისაგან ფულადი საჩუქრით, მედლებითა და თასებით დაჯილდოვდნენ.
სპორტულ ღონისძიებას ადიგენის მუნიციპალიტეტის მერი გოჩა ქიმაძე, ადგილობრივი თვითმმართველობის წარმომადგენლებთან და ადგილობრივებთან ერთად დაესწრო.
ღონისძიება დაბა ადიგენის ცენტრალური პარკის მიმდებარედ მთელი დღის განმავლობაში გაგრძელდება. ჩატარდა სპორტული შეჯიბრებები მკლავჭიდში, ძიუდოსა და ჭიდაობაში. გაიმართა შეჯიბრება ჭადრაკში. გამარჯვებულები მერიისაგან თასებით და მედლებით დასაჩუქრდნენ.
გარდა ამისა, დამთვალიერებლებს ადგილობრივი მეწარმეების ხელნაკეთი ნივთების გამოფენა-გაყიდვის, სადეგუსტაციო და საბავშვო-გასართობი სივრცეებისა და დრამერების მსვლელობის ნახვის შესაძლებლობა აქვთ.
ღონისძიების მეორე ნაწილი ჯგუფი „ბანის“ და ადგილობრივი შემსრულებლების მონაწილეობით გაგრძელდება, დაჯილდოვდებიან ადიგენის საპატიო მოქალაქეები და „ადიგენობა 2024“ -ის დასკვნითი ნაწილი ყველასათვის ცნობილი ბენდის „მიქსტურას“ გამოსვლით დასრულდება.
გამოგვყევი:
web: [ Ссылка ]
facebook: [ Ссылка ]
instagram: [ Ссылка ]
ვიდეო წარმოადგენს www.tv9news.ge-ს საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა.
