Ua le toe mananao Lamana ma Lemuelu e fai le mea na poloaiina ai i latou e lo latou tama e aumai papatusi apamemea. O le ita ma le le fiafia, ua la fouvale ai e faasaga ia Nifae ma Sama ma sasa o la uso laiti i laau––seia oo ina faaali mai se agelu ma taofi le la sasa.
E faatatau i le 1 Nifae 3:28–31:
28 Ma sa oo ina ita Lamana ia te aʼu, ma i loʼu tamā foi; ma sa faapea foi Lemuelu, ona sa faalogo o ia i upu a Lamana. O le mea lea na fai mai ai e Lamana ma Lemuelu ʼupu faigata e tele ia te i maʼua, o laua uso laiti, ma sa laua sasa i maʼua i se tootoo lava.
29 Ma sa oo ina laua sasaina i maʼua i se tootoo, faauta, sa afio mai se agelu a le Alii ma tu i o laua luma, ma sa fetalai mai o ia ia te i laua, fai mai: Se a ua oulua sasa ai lo oulua uso laitiiti i le tootoo? Lua te lē iloa ea ua filifilia o ia e le Alii e avea ma pule i luga o oulua, ma o lenei ona o a oulua amioletonu? Faauta ia outou toe o atu i luga i Ierusalema, ma o le a tuu atu e le Alii Lapana i o outou lima.
30 Ma ina ua uma ona fetalai mai o le agelu ia te i matou, sa afio ese atu o ia.
31 Ma ina ua mavae ona afio ese atu o le agelu, sa toe amata ona muimui o Lamana ma Lemuelu, fai mai: E mafai faapefea e le Alii ona tuu mai Lapana i o tatou lima? Faauta, o ia o se tagata malosi, ma e mafai e ia ona faatonu le toalimagafulu, ioe, e mafai e ia ona fasioti le toalimagafulu; se a la e lē mafai ai i tatou?
![](https://i.ytimg.com/vi/GUyTn-1vsSg/maxresdefault.jpg)