U Bah A Andrew Shullai, MDC, JHADC u la Kren Plie (Keynote Address) ha ka Seminar bashisngi ba la pynlong da ka Assam University, Silchar halor ka phang; “Politics & Politicl Processes in Fifth & Sixth Schedule Regions of India, ha ka Sngi Balang ba la lah. U Bah Andrew Shullai u la batai ia ki jingeh ba ki district council ki iakhynduh ha kine ki snem ba la lah na ka daw ba ka sorkar India bad sorkar jylla ki la shim noh ia ka jingpyniaid ia ki skul primary na ki kti jong ki District council kaba la khanglad ia ka jingpynroi ia ki ktien tynrai ha ki jaka ri lum.
U la ong ruh ba ka jingbymdon ka ain mana kyntiap seng (anti defection law) kumba long ha Iingdorbar Parliament bad Iingdorbar Thaw Ain jylla ka la wanrah ia ka jingkylla khah khah ki bor synshar ha ki District Council.
Ka jingdon jong ka Kyndon 12 ha ka Sixth Schedule ka la wanrah ia ki jingdkoh kiba khraw ha ka jingtrei kam jong ki District Council.
U Bah Andrew u la pynpaw ia ka jingkyrmen ba ki la don ki jingpyrkhat ban pynjanai ia ka Sixth Schedule ha ki sngi ban wan ki ban pynbha ia ki rukom trei kam jong ki District Council. U la kyntu ia ki akhia jylliew jingpyrkhat (academicians) ban wad bad tip shuh shuh ia ki phang jingtip halor ki ain jong ka Sixth Schedule khnang ba ki riewlum rit paid ki roi ha baroh ki liang khamtam leilei ia la ka ktien ka thylliej bad ki dustur ki riti ban pynlong ia ka ri India kaba khraw.
#JHADC#Khuborjylla #khasinews #khuborkhasi #NewsFromMeghalaya #kasurkynud #thevoice #garonews #donboscomedianetwork #dailysalesiannews
Follow us on:
Facebook: [ Ссылка ]
Instagram: [ Ссылка ]
![](https://s2.save4k.ru/pic/GaONlO8yHl4/maxresdefault.jpg)