કોરોનાનાં કપરાં કાળમાં જ્યારે હું પોતે આ બીમારીમાં સપડાયો હતો ત્યારે એ સંજોગોમાં મેં જે જે અનુભવ્યું એ મેં શબ્દો અને સ્વરોમાં ઢાળ્યું... તો એ ગીત આપની સમક્ષ મૂકું છું. આશા છે કે આપ સર્વેને આ ગીત "તું સંભાળે છે" ગમશે અને જો કોઈ વાર આપ નિરાશા કે હતાશાનાં વમળો જેવાં કે માંદગી,મૂંઝવણ,નિષ્ફળતા અથવા કોઈપણ કપરાં સંજોગોમાં ઘેરાયેલાં હશો તો આ ગીતનાં શબ્દો અને સ્વરો આપને જરૂર ઉત્તેજન પૂરું પાડશે...
- આશિષ આર. ક્રિશ્ચિયન
(અમદાવાદ)
જો સાગર જીવનનો તોફાને ચઢે,
તું સંભાળે છે, તું સંભાળે છે...
જો નૈયા જીવનની ડૂબતી જળે,
તું સંભાળે છે, તું સંભાળે છે...
પ્રભુજી પ્રભુજી પ્રભુજી પ્રભુજી,
તું સંભાળે છે, તું સંભાળે છે...
મારગ નાં કોઈ મળે,હું થાકીને ભાંગી પડું,
પ્રશ્નો નો ભારો લઈ, હું વ્યર્થ વિચારે ચઢું,
જોડીને હાથો પ્રભુ,હું ચરણો માં તારા પડું.
વિકલ્પ કોઈ નવો જ દઈ,
તું સંભાળે છે, તું સંભાળે છે...
પ્રભુજી પ્રભુજી પ્રભુજી પ્રભુજી,
તું સંભાળે છે, તું સંભાળે છે...
પડખે ના કોઈ ઉભું, ના કોઈ સાથી મળે,
એકલતા ભરખે ઍવી કે ટાઢક નાં હૈયે વળે,
હૈયું આ ઝંખે તને, ને આંખો ભીની કરગરે.
મારી હાંક સુણી,મારો સાથ દઈ,
તું સંભાળે છે, તુ સંભાળે છે...
![](https://s2.save4k.ru/pic/GhB7Ek6cZYE/maxresdefault.jpg)