Алга, Кыргызстан!
Сөзү: Мырзайым Айтимбетованыкы
Обону: Азиз Батыровдуку
Аткаруучу: Азиз Батыров

Ала-Тоо өлкөм Кыргызстан,
Ажайып көркөм Кыргызстан.
Укмуштун баары табылган
Уютку чөлкөм Кыргызстан.

Кыргызстан, демим Кыргызстан,
Кылымдык кебим Кыргызстан.
Беш күндүк өмүрүмдөгү,
Бейишим менин Кыргызстан.

Кайырма:
Кыргызстан, алга Кыргызстан!
Кыргызстан, жаша Кыргызстан!
Сен гүлдөп өсө бересиң,
Кыз-уулуң барда, Кыргызстан!

Эх, кандай кенен Кыргызстан,
Экинчи энем Кыргызстан.
Туйлаган тулпар уулуңмун,
Туу кармап берем, Кыргызстан.

Кыргызстан, өсчү Кыргызстан,
Кыйла алга көччү, Кыргызстан.
Ак калпак элим байырлап,
Ансайын көрктүү Кыргызстан.

Өзүнчө дүйнө Кыргызстан,
Көрүнсүн көркүң жылдыздан.
Кубалап бакыт шаштырсын,
Кут даарып күндө Кыргызстан.

Кыргызстан, демим Кыргызстан,
Кылымдык кебим Кыргызстан.
Ала-Тоо койнун ээлеген,
Эгемен элим Кыргызстан.
P.S. Бул видео Дариха Разакованын баракчасынан алынды: ttps://www.facebook.com/pandakoff/videos/1383843345516395

свернуть