Ассалаумағалейкум көрермен

Бүкіл қазақты тітір еткізіп, өрескел тірлігімен елді шошытқан бас имам туралы не дейміз? Ол қанша тәулікке қамалды, қандай жазаға кесілмек? Бас мүфтиді орнынан алып тастауы мүмкін бе? Атеистерге әжуа болып, тәңіршілдердің табасына қалған ҚМДБ ның бүгінгі хал ахуалы қандай? Бұл туралы өте өзекті әрі өкінішке толы ақпараттарды диван батыр арнасы баяндайтын болады

Патша көңілді көрермендер. Бар болғаны 15 секундыңызды қиып, видеомызға лайк басып, арнаға тіркеліп, қасында шыққан кішкентай ғана қоңыраушаны түрте кетіңіздерші. Сіздердің бізге көрсеткен қолдауларыңыз, зор шабыт пен еңбегіміздің жемісі болып табылмақ. Кеттік ендеше!

Бас имам - мас имам. ҚМДБ не дейді?

Қостанайдың бас имамы Тәжімбет Бахытбек Нұрғабылұлы 15 тәулікке қамалды және 7 жылға көлік құралын басқару құқығынан айырылды, деп хабарлайды Ulysmedia.kz.


КӨЛІК БАСҚАРУДАН ШЕТТЕТІЛДІ

Ол Бурабайдағы түнгі клубтардың бірінен жанында масаң күйде көлігін айдап бара жатқанда ұсталған.

“Тәжімбет Бахытбек Нұрғабылұлы Қазақстан Республикасының ӘҚБтК-нің 608-бабының 1-бөлігімен кінәлі деп танылсын, оған осы бап бойынша 15 (он бес) тәулікке қамаққа алу және 7 (жеті) жылға көлік құралын басқару құқығынан айыру жазасы тағайындалсын.Қамаққа алу уақыты 2024 жылғы 23 шілде сәуір сағат 16:53 минуттан бастап есептелсін”, – деп жазылған қаулыда.

ИМАМ ЖАЛТАРЫП БАҚТЫ

Оқиға 23 шілдеде болған. Тәжімбет Бурабай кенті Кенесары көшесі "Регион 03" клубтың қасында Toyota Highlander автокөлігін алкогольдік масаң күйінде басқарған. Бірақ ол сот отырысында өз кінәсін мойындамай, алкогольдік ішімдіктерді ішпегенін, тек қана қымыз ішкенін көрсеткен. Бірақ сот отырысында зерттелген бейнежазба бойынша, мас болу фактісін анықтау үшін медициналық куәландыру жасаған кезде дерігер қойған сұраққа Тәжімбет сыра іштім деп жауап берген.

“Сот, Б.Н. Тәжімбетке әкімшілік жаза қолдану кезінде оның жауаптылығын жеңілдететін мән-жайлардың жоқ екендігін, ал жауаптығын ауырлататын мән-жай ретінде, оның алкогольдік масаң күйде болуы деп, оның жеке басының, құқық бұзушылықтың айналасындағыларға қоғамдық қауіптілігін, азаматтардың денсаулығымен жол жүрісі қауіпсіздігіне қауіп тудыратындығын, сонымен қатар аталған құқық бұзушылық үшін балама жазаның жоқтығын ескере отырып, оған әкімшілік жаза ретінде қамаққа алу және көлік құралын басқару құқығынан айыру жазасын тағайындау қажет деп есептейді”, – деп жазылған сот қаулысында.

ҚМДБ ИМАМ ТУРАЛЫ МӘЛІМЕТТІ ЖАСЫРДЫ

Бір айта кетерлігі, ҚМДБ, яғни мүфтият өзінің ресми сайтында осы бас имам туралы ақпаратты жедел өшіріп тастаған.

”Атап айтқанда мүфтияттың бұл аяқ астынан жанталасқан арсыз тірлігі ертең бұндай имам ҚМДБ жүйесінде қызмет етпейді немесе имамдық жұмыстан әлдеқашан босатылған деп айту үшін ғана жасалған екіжүзді пасық іс-әрекет деп білемін. Өз басым осы сорақылықтардың бәріне діннің атын жамылып,өтірік моралист сияқты боп көрінетін клерикал имамдардың төрағасы,бас мүфти Наурызбай Өтпенов тікелей жауапты деп есептеймін”, – деді редакцияға хабарласқан тұрғын.

“БАС ИМАМ” КІМ?

Тәжімбет Бахытбек Нұрғабылұлы 1983 жылы 17-мамырда Қызылорда облысы, Жаңақорған ауданында дүниеге келген. Жаңақорған ауданындағы № 125 С. Сапарбеков атындағы қазақ орта мектебінде, Түркістан қаласындағы «Хасан Оралтай» атындағы медресесінде, Шымкент қаласындағы «Қамар» атындағы медресесінде, Алматы қаласындағы «Таугүл» медресесінде тәлім алған. 2005-2006 жылдары Ыстамбұл қаласындағы «Ыстамбұл муфтиятында» білім алған.

2015 жылдың қараша айының 12-нен бастап, Қостанай облысы бойынша өкіл имам және Қостанай облыстық «Марал ишан» мешітінің бас имамы болып тағайындалды.

Үйленген, екі баланың әкесі

Келесі аптада Қазақстан мұсылмандарының мерейтойлы, Х құрылтайын тезірек ұйымдастырып, Бас мүфти Наурызбай Өтпеновты ауыстыру бойынша жабық консультациялар басталмақ. Бұл туралы DALA INSIDE дереккөзі хабарлады.


Дәстүрлі исламның позициясы төмендеп, интернет, әлеуметтік желідегі радикалдардың қазақтың дәстүріне, ұлттық аспаптарына шабуылы күшейгенде Сенат пен «Сол жағалау» тарапынан Қазақстан мұсылмандары діни басқармасына «жұмысты күшейту, белсендірек болу» туралы өтініштер бірнеше рет айтылған болатын.


«ҚМДБ инертті, сылбыр, өз ұстанымын батыл жеткізе алмайтын ұйымға айналды. Қазір олар Қазақстандағы ислам мәселесін бақылаудан шығарып алғаны байқалады. Радикалдардың исламды қазақтың ұлттық құндылықтарына қарсы қоюы діннің позициясын әлсіретіп, тәңіризмге негізделген жаңа ағымдардың пайда болуына алып келді», – дейді, дереккөз.

Сіз үшін Диван батыр арнасы

свернуть