Астанаға Қытай Халық Республикасының Төрағасы Си Цзиньпин ұшып келді.
Бұл көрші ел басшысының Қазақстанға жасаған 3-сапары болып отыр. Ол ЭКСПО-2017 көрмесінің аумағында өтетін Шанхай ынтымақтастық ұйымының саммитіне қатысады. Ауқымды шараның күн тәртібінде бірқатар маңызды мәселе тұр. Олардың бірі Үндістан мен Пәкістан мемлекеттерінің ұйымға мүше болуы. Сондай-ақ елдердің экономикалық және гуманитарлық салалардағы ынтымағын нығайту сөз болмақ. Ұйымның экстремизмге қарсы конвенциясына қол қою, мүше елдерге ортақ болатын есірткіге қарсы стартегияны қабылдау мәселелері талқыланады. Бұған дейінгі кездесулерде Шанхай ынтымақтастық ұйымының Астана декларациясының жобасы мен мемлекет басшылары кеңесінде қол қойылатын бірнеше құжат әзірленді. Астана декларациясының жобасында мүше елдердің алдағы жоспарлары бекітілмек.
![](https://i.ytimg.com/vi/HHbfPuluwvg/maxresdefault.jpg)