Pandemia zhvendos meshën e Pashkës, po jo gëzimin në zemrat e besimtarëve dhe mesazhin e Pashkës në kohë të vështira. Besimtarët ortodoksë në Durrës kremtuan Pashkët duke uruar njëri-tjetrin për shëndet e mbarësi. Masat kufizuese anti-covid e zhvendosën meshën e Pashkëve nga mesnata në mëngjesin e së dielës.
Shumë besimtarë durrsakë u mblodhën në kishën ”Apostull Pavli dhe Shën Asti” për të ndjekur shërbesën e Ngjalljes dhe Liturgjinë Hyjnore që u zhvillua mëngjesin e së dielës për të respektuar orarin e kufizimit të lëvizjes.
Një mesazh për të gjithë besimtarët e dha edhe At Spiro Kostuli: “Pavarësisht kushteve në të cilat ndodhemi në shkallë globale, ‘Ngjallja e Krishtit’ mbizotëron në zemrat dhe shpirtrat e njerëzve dhe pikërisht ky gëzim dhe kjo dritë që mbizotëron në ditën e ngjalljes na bën të harrojmë dhe të mos kufizohemi nga çdo lloj privimi momental që po na kushtëzon jeta e sotme. Prandaj dua t’i uroj të gjithë të krishterët ortodoksë ‘Krishti u ngjall’, gëzuar edhe për shumë vjet Pashkët”.
Shërbesa e Ngjalljes u pasua nga rituali i marrjes së flakës së ngjalljes dhe ndarja e fjalës së mirë. Përveç flakës, edhe vezët e kuqe dhe buka e ëmbël e Pashkës janë simbole të kësaj dite festive që për të dytin vit radhazi zhvillohet në kushtet e pandemisë.
Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Durrës#PashkëtOrtodokse#TopChannel
![](https://i.ytimg.com/vi/HImqmqN1F4M/mqdefault.jpg)