27.05.2017-ci il tarixində Şəmkir Heydər Əliyev Mərkəzində Şəmkir rayon Təhsil şöbəsinin təşkilatçılığı və Şəmkir Heydər Əliyev Mərkəzinin təşkilati dəstəyi ilə 28 May Respublika Gününə həsr edilmiş tədbir keçirilib. Tədbirdə Şəmkir rayon icra hakimiyyəti aparatının əməkdaşları və Şəmkir rayon təhsil şöbəsinin müəllim və şagird kollektivi iştirak edib. Sərdar Məmmədov adına Zəyəm-cırdaxan 1 saylı tam orta məktəbin müəllimi Lamiyə Məmmədovanın aparıcılığı ilə keçən tədbirdə Əhməd Cavad adına tam orta məktəbin, Cahangir Rüstəmov adına tam orta məktəbin və Sərdar Məmmədov adına Zəyəm-cırdaxan 1 saylı tam orta məktəbin şagirdləri çıxışlar ediblər . Tədbiri Əhməd Cavad adına tam orta məktəbin tarix müəllimi Dilbər İslamzadə açaraq, şərqdə yaranan ilk demokratik dövlət olan Azərbaycan Xalq Cumhuriyyəti, onun Azərbaycan tarixində tutduğu əhəmiyyətli yer haqqında iştirakçılara məlumat verib. Tədbir daha sonra məktəblilərin ifasında konsert proqramı ilə davam etdirilib.
![](https://s2.save4k.ru/pic/HRpk4ecNdno/maxresdefault.jpg)