Azərbaycan Avropa İttifaqı ilə yeni sazişin imzalanması üzrə danışıqların son mərhələsindədir. Azərbaycan Avropa İttifaqının bir sıra üzvləri ilə strateji tərəfdaşlıq haqqında sənədlər imzalayıb. Bu sözləri Milli Məclisin sədri Sahibə Qafarova ölkəmizdə səfərdə olan Latviya Baş nazirinin müavini, müdafiə naziri Artis Pabriks ilə görüşü zamanı səsləndirib. Azərbaycan və Latviya dostluğundan bəhs edən Milli Məclisin sədri bildirib ki, yüksək səviyyəli səfərlər və görüşlər ikitərəfli münasibətlərin inkişafında müstəsna rol oynayır. Latviya Baş nazirinin müavini, müdafiə naziri Artis Pabriks isə ticarət, investisiya, təmiz enerji və digər sahələrdə qarşılıqlı əməkdaşlığın gücləndirilməsi, Azərbaycanın işğaldan azad etdiyi ərazilərinin minalardan təmizlənməsi, iki ölkə arasında beynəlxalq təşkilatlarda əməkdaşlığın perspektivləri barədə fikirlərini bölüşüb.
[ Ссылка ]
[ Ссылка ]
[ Ссылка ]
#ictimaitv #video #televiziya #baku #videolar #itv
