"Ճանապարհ դեպի կրկես": Ռեժիսորներ` Հենրիկ Մալյան, Լևոն Իսահակյան: Սցենարի հեղինակ` Ալեքսանդր Յուրովսկի: Լեոնիդի դերում` Լեոնիդ Ենգիբարով: Օպերատոր` Ժիրայր Վարդանյան: "Հայֆիլմ": 1963 թ.:

«Երգ ճանապարհի»:Կոմպոզիտոր` Կոնստանտին Օրբելյան, խոսք` Հարոլդ Ռեգիստանի:

Հեյ, ճամփեք ոլոր-մոլոր և արևն անմար
Ես կտամ կյանք իմ բոլոր ձեր սիրո համար:
Հեյ, դաշտեր դաշտեր բարի, ձեզ էլ բյուր բարև,
Ինձ օգնեք յարիս գտնեմ, իմ պայծառ արև:

Սիրտն իմ քո ճամփին, երգն ուրախ թող միշտ հնչի
Թող թռչուն դառնա և թռչի, թռչի,
Գարուն, գարուն եկավ ծաղիկն է քնքուշ,
Նրա հետ եկավ իմ սերն անուշ:

Ես ճամփա ելա հազիվ և ինչքան ընկեր
Ախ, ինչքան տեսա ազնիվ և օգնող ձեռքեր
Հեյ, սրտեր, սրտեր բարի ձեզ էլ բյուր բարև
Պիտ գտնեմ անուշ յարիս, իմ պայծառ արև:

Սիրտն իմ քո ճամփին, երգն ուրախ թող միշտ հնչի
Թող թռչուն դառնա և թռչի, թռչի,
Գարուն, գարուն եկավ ծաղիկն է քնքուշ,
Նրա հետ եկավ իմ սերն անուշ:

свернуть