Letra: Álvaro Cunqueiro
Música: Nacho Mora
Realización: Juan M. Vicente / Marcos Hervera
Son: Mar Mora
Noite azul de silencio
esquina de sí mesma
ouvida polas amables
galerías da lúa.
Ninguén pensa a lonxana
melancolía morna
dos espellos de loito
dos teus ollos primeiros.
Creciches como donda
anguria de vidrados
aramio sin resposta
do teu sexo solícito.
De unha luz naufragada
entre roseiras verdes
fixeche quince anos.
- Un abano con paxaros.
A noite que non desce
vóltate a nós agora
coma ponte sin río
ou fiestra en terra firme.
Unha estampa de sono
a tua fábula afoga
núos os teus cabelos
de antiga noiva nova.
![](https://s2.save4k.ru/pic/H_gKX8NHn7s/maxresdefault.jpg)