Fatma Əliyeva "Nikoil bank"dan 13 min manat kredit götürüb. O, banka borcunun 7 min manatını ödəyib. Amma bank onun 34.443 dollar borcu olduğunu deyir. Qadın bankın baş mütəxəssisi Azad Abıyevin onun manatla olan borcunu dollarla əvəzləməsindən şikayətçidir.
Azərbaycanda 2 milyondan çox insanın banka borcu var. Problemli kreditlərin həcmi 1 miyard 442 milyon manata çatıb. Bu, 16 milyard 275 milyon manatlıq kredit portfelinin 8,9 faizi deməkdir. Neftin qiyməti dünya bazarında aşağı düşməyə başlayanda isə bu rəqəm 5 faiz ətrafında dəyişirdi.
Bank sahəsi üzrə ekspert Əkrəm Həsənov deyir ki, problemli kreditlərin əksəriyyəti dollarladır.
2015-ci ildə Konstitusiya Məhkəməsi manatın devalvasiyasından sonra kreditlərin hansı məzənnə ilə qaytarılması haqda qərarını açıqladı. Qərarda banklara tövsiyə olunurdu ki, əhalinin maraqlarını nəzərə alaraq xarici valyutada verilmiş kreditlər üzrə kredit müddəti ya uzadılsın, ya da faiz dərəcələri aşağı salınsın.
Ancaq "Nikoil bank" Fatma Əliyevaya hər hansısa bir güzəşt tətbiq etməyib. Şikayətçi deyir ki, borcu manata çevriləcəyi halda ödəniş edəcək. Əks halda onun banka verməyə pulu yoxdur. Şikayətçi Ali Məhkəmədən ədalətli qərar gözləyir. Bu vaxta qədər məhkəmələr girova qoyulmuş evinin bank tərəfindən götürülməsinə qərar verib.
"Nikoil bank"dan Meydan TV-yə bildirilib ki, bankın 9 saylı filialı bağlanıb, Azad Abıyev artıq bankın əməkdaşı deyil. Bank rəhbərliyi də bu məsələ ilə bağlı heç bir məsuliyyət daşımır.
Ekspert problemli kreditlərin qarşısını almaq üçün təklif edir ki, bankların verdiyi və geri qayıtmayan kreditlər araşdırılsın. Güzəştli kreditlərin hansı səbəblə kimə verildiyi aydınlaşdırılsın. Hökumət kreditlərin qaytarılmasını tələb etməlidir. Bunu etməyən şəxslər cinayət məsuliyyətinə cəlb olunmalıdır.
Qonşu Gürcüstanda isə mənzərə başqadır. Baş nazir Gioirgi Kvirikashvili deyib ki, 2015-ci il yanvarın 1-nə kimi dollarla kredit götürənlər həmin krediti dollardan lariyə çevirə bilərlər.
Kanala abunə ol - [ Ссылка ]
WebSite: [ Ссылка ]
Facebook: [ Ссылка ]
Twitter: [ Ссылка ]
Google+ [ Ссылка ]
İnstagram: [ Ссылка ]
__
Xəbərdən çox xəbər var. #çəkgöndər yayımlayaq #whatsapp : +49 176 16263646
![](https://s2.save4k.ru/pic/HazJSgit2TU/mqdefault.jpg)