Reshjet e dendura të shiut të nisura prej ditës së shtunë kanë rikthyer përmbytjet në disa zona të vendit.
Në qarkun e Durrësit, lumi Ishëm dhe Erzen kanë dalë nga shtrati.
Për pasojë në Njësinë Administrative Bubq të Bashkia Krujë dhjetëra hektarë tokë janë nën ujë.
Në Qarkun e Lezhës, në Njësinë Administrative Zejmen janë të përmbytura rreth 65 hektarë tokë në fushën e Treshit dhe në Spiten. Ndërsa në Njësinë Administrative Balldren janë të përmbytura 200 hektarë tokë.
Fatmirësisht deri tani nuk ka banesa të përmbytura. Si pasojë e reshjeve intensive, gjatë natës pati prani të ujit në disa akse rrugore. Në të tjera pati edhe rrëshqitje të dherave.
Në Rrugën e Arbrit një masiv dheu ka rrëshqitur në afërsi të tunelit të Murrizit, duke bllokuar qarkullimin e automjete për rreth një orë.
Prani inertesh ka pasur edhe ne disa akse rrugore në Elbasan, Tepelenë, Himarë dhe Gjirokastër.
Moti i keq ka dëmtuar edhe linjat e furnizimit me energji elektrike. Disa fshatra në rajonin e Lezhës, Burrelit, Korçës, Gjirokastrës kanë mbetur pa energji elektrike.
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
![](https://i.ytimg.com/vi/Hin3GYvvuT8/maxresdefault.jpg)