جی ڈی اے کے صوبائی رہنما رئیس اکبر خان مری نے میڈیا سے گفتگو کرتے ہوئے کہا کہ حالیہ بارشوں میں متاثرہ خاندانوں کی پیر سائیں پاگارا نے جس طرح خدمت کی ہے اس کی مثال نہیں ملتی پیر سائیں نے پیر گوٹھ میں درگاہ کے دروازے برسات متاثرین کے لیے کھول کر ان کو تین وقت کا کھانا اور پہننے کے لئے کپڑے تک مہیاء کیے گئے، پندرہ سالوں سے سندھ میں حکومت کرنے والی پیپلز پارٹی کے وزیر مشیر ایم این اے اور ایم پی اے بارش متاثرین کی خدمت کی بجائے فوٹو سیشن پر کام چلا رہے ہیں، رئیس اکبر خان مری نے مزید کہا کہ ہم نے جو برسات متاثرین میں راشن، ٹینٹ، مچھردانیاں اور صاف پانی جو تقسیم کئے ہیں وہ ہم نے اپنی مدد آپ، اپنے دوستوں اور این جی اوز کی مدد سے کیا ہے، مشرف دور میں جو حکومت کی پالیسی تھی اس میں ساٹھ فیصد حکومت اور چالیس فیصد اپوزیشں کو دیا جاتا تھا اور اب یہ سو کا سو فیصد کھا گئے جب ہم نے متاثرین کی خدمت کرنا شروع کی تو حکومت کے گوداموں سے راشن نکلنا شروع ہوا، ہم حکومت میں نہیں ہیں لیکن ان کے ایم این اے اور ایم پی اے کی نشاندہی کر رہے ہیں جو حکومت سے ملا راشن ٹینٹ اور دیگر بارش متاثرین کا امدادی سامان اپنے گوداموں میں چھپا کر بیٹھے ہیں ہمارا مقصد سیاست کرنا نہیں ہے ابھی یہ وقت مل کر عوام کی خدمت کرنے کا ہے۔
#sanghar #shaoornews #jamnawazali #berani #sindhflood #sindhflood2022 #shaoornews #pirpagara
