Абай облысының Семей қаласында екі бірдей «Қамқорлық» атты балаларды оңалту орталығы ресми түрде ашылды. Қаланың Перинаталдық орталығының базасында орналасқан мекемеде жыл сайын дамуында ауытқуы бар 1200-ге жуық бала кешенді оңалту курсынан өтеді. Орталықтар заманауи медициналық және диагностикалық құрылғылармен жабдықталған. Ауқымды жобаның бас демеушісі "Самұрық-Қазына" акционерлік қоғамы.
"Ана туралы" әнімен көпшілікті сүйсіндірткен Айдын Мақсатұлының салмағы дүниеге келгенде небәрі бір келі болыпты. Денсаулығында ақауы бар баланы ата-анасы жыл басынан бері осы орталыққа әкелген. Дәрігерлердің қамқорлығы мен тиісті көмегінің арқасында қазір аяққа тік тұрып кеттім дейді жеткіншек. Балаларды оңалту орталығында расымен көп салалы мамандар қызмет етеді. Олар сал ауруына шалдыққан 3 жасқа дейінгі және 3-тен 18 жас аралығындағы балаларға кешенді ем көрсетеді. Яғни бір жерде баланың туғаннан есейгенге дейінгі денсаулығы үздіксіз бақылауда болады. Орталықта заманауи медициналық оңалту жабдықтарының тоқсаннан астам түрі орнатылған.
ГҮЛЖАЗИРА ДҮЙСЕКЕНОВА, Семей қаласының Перинаталдық орталығының неонаталдық және педиатриялық қызметінің басшысы:
– Ерте араласу орталығында үш жасқа дейінгі оңалтуда нәтижелері жақсы. 72 пайыз балалар аяққа тұрып жүре бастады. 60 пайыз бала басын ұстап, 58 пайызы еңбектей бастады.
Орталыққа 207 миллион теңге бөліп, қажетті жабдықтармен қамтамасыз еткен «Samruk-Kazyna Trust» Әлеуметтік жобаларды дамыту қоры. Бұдан бөлек, «Самұрық-Қазына» Қоры Абай және Шығыс Қазақстан облыстарының әкімдігімен өзара ынтымақтастық туралы меморандумға қол қойды. Соның аясында қорға қарасты компанияларда істейтін жұмысшылардың арасында қандай да бір даулы мәселелер туған жағдайда әкімдікпен бірлесіп жедел шешілмек.
ҒИБРАТ АУҒАНОВ, "Самұрық-Қазына" "ҰӘҚ"АҚ Қоғаммен байланыс, әлеуметтік-еңбек қатынастары және еңбекті қорғау жөніндегі басқарушы директоры:
– Осы өңірлерде шамамен он мыңнан астам адамдарды жұмыспен қамтып, бүгінгі күні қамтамасыз етіп отырмыз. Әріптестеріміздің алдындағы әлеуметтік жауапкершілігін сезіне отырып әлеуметтік тұрақтылығын, жағдайын жақсарту бойынша меморандумға қол қойылды.
Меморандум шеңберінде Қор: әкімдіктерге, жұмыс берушілердің бірлестіктеріне және өңірдегі ірі өндірістік компаниялардың өкілдеріне, сондай-ақ кәсіподақтарға «әлеуметтік тұрақтылық индексін» айқындау жөніндегі тәжірибені таратуға жәрдемдеседі.
Динара Ерболқызы
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
