Չարենցավան համայնքի ձմեռը երեկ ստացավ իր իսկական երանգը: Դեռ գիշերվանից սկսվեցին ձյան տեղումները և շարունակվեցին մինչև ուշ երեկո: Առատ ձյունն անմիջապես ծածկեց փողոցները: Քաղաքի ձյանմաքրման աշխատանքների պատասխանատու «Մաքուր Չարենցավան» ընկերության տեխնիկան ու աշխատակիցները դրսում էին ամբողջ օրվա ընթացքում, մաքրվում էին ոչ միայն փողոցները, այլև մայթերը, մերկասառույցից խուսափելու համար ցանվում էր աղ և ավազ:
