Жорий йилда ҳам вилоятимизда кўплаб ишлаб чиқариш корхоналарини босқичма-босқич ишга тушириш режалаштирилган. Вилоят ҳокими Шуҳратбек Абдураҳмонов Шаҳрихон туманида бу борада амалга оширилаётган ишларни кўздан кечирди.
Жараёнда вилоят раҳбари Полосон маҳалласи ҳудудида «Водий пахтаси» МЧЖ томонидан бунёд этилаётган калава-ип маҳсулотлари ишлаб чиқариш корхонасида бўлди. Корхона раҳбарлари билан мулоқотда қурилиш жараёнини сифатли якунлаш, ишчиларга қулай шарт-шароитлар яратиш ва келгусида маҳсулотлар тайёрлашни йўлга қўйиш юзасидан атрофлича фикр- мулоҳазалар билдирди.
Лойиҳа қиймати 8 млн АҚШ долларини қамраб олган мазкур корхонада йилига 9 минг 125 тонна ип-калава ишлаб чиқарилади. Шу билан бирга 350 нафар ишчи ўрни яратилади.
Шунингдек, вилоят ҳокими Карнайчи маҳалласида “Yagona Andijon Poyabzali” корхонаси қошидаги терини қайта ишлаш цехида амалга оширилаётган ишларга эътибор қаратди. Зарур тавсияларини берди.
![](https://s2.save4k.ru/pic/HtaL7Gtd4Nk/maxresdefault.jpg)