#oranews #shkoder #kamerasigurie #dobrac #kamerasigurieshkoder #grupetkriminaleneshkoder #policiashkoder #kameranedobrac
Qyteti i Shkodrës duket se ka qenë prej vitesh në një vëzhgim masiv pasi policia hoqi edhe 38 kamera të tjera nga rrugët publike. Aksioni u krye pak ditë pas çmontimit të 21 kamerave të tjera, të cilat u zbuluan gjatë hetimeve për vendosjen e tritolit në banesën e shefit të krimeve Pëllumb Shpati. 59 kamerat e sekuestruara në total dyshohet se ishin vendosur nga tri grupe kriminale për të vëzhguar lëvizjet e policisë por edhe të grupeve rivale. Thellohet edhe më tej fenomeni i vëzhgimit në Shkodër pasi Policia ka vijuar me aksionin e heqjes së kamerave të vendosura në rrugët publike nga grupet kriminale për të monitoruar punën e policisë, por edhe lëvizjet në qytet.
Në aksionin e finalizuar të mërkurën u hoqën 38 kamera vëzhguese, por ashtu si dhe në operacionin e parë as kësaj radhe nuk ka persona të arrestuar.
Burimet zyrtare thanë se kamerat ishin të vendosura në lagjet "Guerrile", "Salo Halili" dhe "Kongresi i Përmetit". Sipas policisë pajisjet vëzhguese të sekuestruara ishin vendosur pa lejen përkatëse të organeve kompetente dhe në kundërshtim me ligjin.
Më herët, gjatë fazës së parë të planit operacional policor të koduar “Fijet”, u çmontuan 21 kamera të instaluara nga rrethrrotullimi "5 Heronjtë" deri tek rrethrrotullimi i parë i by-passit të Shkodrës dhe nga rrethrrotullimi "5 Heronjtë" deri te rrethrrotullimi i Dobraçit.
Operacioni për heqjen e kamerave të vëzhgimit filloi pas hetimeve për vendosjen e tritolit të shefit të krimeve në Shkodër Pllumb Shpati.
Hetuesit kanë vënë re se disa prej kamerave të vendosura ishin të paaksesueshme për ti administruar pamjet e tyre.
Verifikimet e policisë zbardhën dyshimet se instalimi e këtyre kamerave me rezolucion të lartë është kryer nga 3 grupeve kriminale në Shkodër.
Deri në këtë fazë të hetimit ende nuk është bërë e mundur zbulimi i IP-ve të tyre, çka do ti ndihmonte hetuesit në identifikimin e personave që kishin instaluar dhe kontrollonin rrjetin e kamerave që vëzhgonin Shkodrën.
Për më shumë lexoni në: [ Ссылка ]
Follow Televizionin Ora News
Website: www.oranews.tv
Youtube [ Ссылка ]
Facebook: [ Ссылка ]
Instagram [ Ссылка ]
Twitter [ Ссылка ]
![](https://i.ytimg.com/vi/I4jthrAQ5XA/maxresdefault.jpg)