შრომის ბაზარზე გამოწვევები გრძელდება. კანონის ამოქმედებიდან 5 წლის თავზე, შრომის უსაფრთხოების სპეციალისტების კვალიფიკაცია კვლავ კითხვის ნიშნის ქვეშ დგას. კერძო სექტორის ნაწილი აცხადებს, რომ რთულია კადრების მოძიება, ექსპერტები კი აღნიშნავენ, რომ კურსის დასრულების შემდეგ, სპეციალისტების დიდ ნაწილს დასაქმება უჭირს. გამოწვევაა სასწავლო და საგამოცდო პროგრამები, რომლის მოდიფიცირებასაც სასწავლო ცენტრებში ითხოვენ. რა გამოწვევები შრომის უსაფრთხოების სპეციალისტების კუთხით და რა პასუხები აქვთ შრომის ინსპექციაში?
